majo 2018

Literatura Nobelo: pliaj PEN-centroj kandidatigos

HeKo 679 3-B, 15 maj 18

Krom la Esperanta, aliaj PEN-centroj ekpromesas subteni la kandidatecon de esperanto-verkisto al la literatura Nobel-premio. La prezidanto de unu el ili, kiu bone konas la membrojn de la Sveda Akademio, opinias ke “pro la ĵusaj problemoj en tiu akademio maturiĝis la tempo por alispecaj kandidatoj ol tiuj de la kutimaj antikvaj kulturlingvoj”.

Sociologie pri Esperantio: la disertacio de Irene Caligaris

HeKo 679 4-A, 17 maj 18

Simone de Beauvoir donis negativan takson pri sociologio, dum ŝia usona amanto Nelson Algren parolis iom fervore pri tiu nova scienco. La duboj de la ĉefa partnerino de Jean-Paul Sartre daŭre aktualas, precipe kiam oni legas (mikro)sociologian studon pri Esperantio.¹

La redakcio kunvenis pri "Literatura Foiro" 293

HeKo 679 5-B, 18 maj 18

La konstantaj membroj de la redakcio de “Literatura Foiro” kunvenis hieraŭ vespere sub la kunordigo de c-ano Zlatoje Martinov, ĉefredaktoro. Alestis gec-anoj Perla Martinelli (asista redaktoro, feminaj paĝoj), Marie-France Conde Rey (kino), Carlo Minnaja (recenzoj), Fernando Pita (lingvistiko), Giorgio Silfer (teatro).

Teatro en la eksperimenta kurso de KCE, julio 2018

HeKo 679 6-B, 19 maj 18

Por la dua jaro Kultura Centro Esperantista gastigas eksperimentan kurson pri beletra tradukado, kadre de projekto Nurenbergo, laŭ kiu la Esperanta Civito celas disvolvi profesian trejnejon por tradukistoj.

Greziljono finance ekvilibra, sed speze regresa

HeKo 679 7-A, 20 maj 18

La kooperativo posedanta Kastelon Grésillon en Francio fermis la ﬁnancan raporton pri 2017 kun malgranda proﬁto: 1.505 eŭroj. Pasintjare la neta rezulto estis multe pli granda: 12.392 eŭroj. Bonŝance ankaŭ la elspezoj iomete malkreskis, tiel ke la ﬁnancoj restis preskaŭ en plena ekvilibro.

De realo al virtualo: la kazo de LOdE

HeKo 679 8-A, 21 maj 18

La transiro de papera al reta eldonado karakterizis la unuan parton de la nuna jarcento, en Esperantio. La unuan eksperimenton faris “El Popola Ĉinio”, kiu festis sian oran jubileon per multgasta bankedo, por tuj poste fermi la butikon.

GDPR povas krei problemojn inter UEA kaj TEJO

HeKo 679 9-E, 22 maj 18

Pro sia jura personeco, Universala Esperanto-Asocio kaj Tutmonda Esperantista Junulara Organizo dependas de la nederlanda normaro, kiu siavice aplikas la reglamentojn de Eŭropa Unio.

Schäffer konfesas katastrofan situacion

HeKo 680 1-A, 23 maj 18

Dum dek naŭ jaroj (1998-2016) Universala Esperanto-Asocio akumulis deﬁciton de pli ol du milionoj da eŭroj. Tion deklaris hodiaŭ la ĝenerala ekssekretario kaj direktoro, s-ro Martin Schäffer. La enorman truon ŝtopis de jaro al jaro la subtraho de sumoj el la asocia kapitalo, furaĝata de bonkoraj donacintoj kaj legacintoj.

Heroldo publikigos la historion de TEJO

HeKo 680 2-B, 24 maj 18

Koncizan historion de Tutmonda Esperantista Junulara Organizo publikigos “Heroldo de Esperanto” (eldonata de Kultura Centro Esperantista en Svislando) okaze de la 80-jariĝo de TEJO, ĉi-somere. La aŭtoro estas prof. Giorgio Silfer.

Co-NGO ne estas rivero en Afriko

HeKo 680 3-C, 25 maj 18

Pere de sia ĝenerala sekretario, Giorgio Pagano, Esperanto Radikala Asocio proponis al la Esperanta Civito en printempo 2017 subskribi akordan protokolon por kunlabori kun ERA ĉe UN. La Kapitulo, tiam prezidata de Chamberline Nguefack, akceptis la proponon kaj komisiis la Vickonsulon konkretigi la akordon.

Serĉo

Esperanta civitaneco

Petu la esperantan civitanecon per la reta formularo.

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.