Hodiaŭ en Strasburgo la Parlamento de Eŭropa Unio aprobis per kvalifikita plejmulto la rezolucion inspiritan de raporto de la verda deputitino el Nederlando Judith Sargentini, kiu kulpigas la nunan hungaran registaron pri agado kontraŭ la homaj rajtoj.
Feminisma Esperanta Movado sendis bondeziran leteron al la Asembleo de Internacia Konsilio de Virinoj, okazanta en Indonezio. Jen la ĉefaj alineoj en la mesaĝo:
“Paŝoj al plena posedo”, la fama didaktika krestomatio de William Auld, atingis la kvinan eldonon (ne enkalkulante la represojn, plus apartan pirataĵon fare de la entrepreno de Brunetto Casini en Italio). Kompare kun la kvara ne estas grafika novaĵo, danke al la enpaĝigo fare de Perla Martinelli kaj la bildoj de Martin Markarian.
En dato 30 aŭgusto 2018 Civila Esperanta Servo demandis al la Lingva Komitato de Esperantio, ĉu la vorto “pacist(in)o” estas uzebla en la senco de “peace keeper”, kiu estas intera rango en la hierarkio de la civilserva organizo.
Voĉrajtis: dek unu.
Deklaris sin nekompetentaj: Conde Rey, A. Melnikov.
Konsekvence la kvorumo sobis de ok al ses.
En plena aŭlo de prestiĝa loka instituto ĉe la ĉefa avenuo de Malago, kulturaj kaj politikaj aŭtoritatoj aŭskultis ĉi-vespere la hispanlingvan prelegon de la Konsulo de la Esperanta Civito, pri la estonta lingva situacio en Eŭropa Unio post la brita secesio.
Laŭ la art. 23 de la Senata Reglamento la Konsulo vokas al senatokonsulto pri nova leĝopropono, subskribita de senatanoj Bartek (Blanka grupo), Conde Rey (Verda grupo), Karibe (Verda), Kirova (Verda), Mihalkov (Blanka), Mushosi (Blanka) kaj Silfer (Verda). Raportisto: Giorgio Silfer.
Koincide kun la somerfino rekomenciĝas la literatura kafejo en Budapeŝto. Hodiaŭ ĝi estis dediĉita al la jarkolekto 2018 de la revuo “Literatura Foiro”.
Por 2019 la internacia abontarifo de “Literatura Foiro” restas 0,60 spesoj jare, egalaj al 54,- svisaj frankoj, malgraŭ la plimultiĝo de la paĝoj kaj plialtiĝo de la poŝtaj kostoj.
La struktura deficito, nome la konstanta ĉiujara negativa saldo en la spezkalkulo, hantas kaj UEAn kaj TEJOn en praktike egalaj proporcioj: ambaŭ asocioj elspezas kvar eŭrojn kontraŭ ĉiuj tri enspezataj, proksimume.
“Mi devas manifestacii min malfavore al tio, kio estas laŭ mia percepto la sinteno per kiu TEJO kaj UEA rilatas al tiu ĉi revuo” ĵus deklaris publike Rogener Pavinski, la brazila ĉefredaktoro de “Kontakto”, okaze de la eldono de la aŭgusta numero 2018.
