La Administra Komitato de LF-koop, kiu posedas, eldonas kaj administras la gazeton, nomumis senatanon Dieter Rooke vicredaktoro de “Heroldo de Esperanto”. La mandato, renovigebla, validas ĝis la venonta ĝenerala Asembleo de LF-koop.
Ĝis nun li estis la kongresa redaktoro, responsa pri du numeroj jare. Ekde nun li anstataŭas c-inon Annette Muhlemann en kazo de bezono por ĉiu numero. Pro la malfruo de la postkongresaj numeroj jam la kazo prezentiĝas.
Interalie sen. Rooke redaktos ankaŭ la afrikan numeron (kiel kutime la 17an en la jaro) okaze de sia restado en Togolando fine de decembro, kune kun lokaj aktivuloj. Al tiu numero kontribuos ankaŭ burundianoj, kunordige de sen. Giorgio Silfer, jarfine de 2010 kaj komence de 2011, dum lia vizito al Burundio.