HeKo 547 2-A, 9 dec 13
Bulgara Esperanto-Asocio anoncas Literaturan Konkurson je la nomo de la eminenta bulgara esperantisto tradukisto “Ivan Krestanov”.
La konkurso estos por:
1. Traduko de bulgarlingva rakonto de nuntempa verkisto en Esperanton.
2. Eseo pri Ivan Krestanov aŭ pri la rolo de la tradukita Esperanta literaturo en la nuna mondo.
Bonvolu sendi viajn verkojn ĝis la fino de monato novembro 2014 al la adreso: <modest ĉe abv.bg>. La rezultoj estos anoncitaj en decembro 2014.
En la salono de la Asocio de bulgaraj pentristoj en Sofio, 27 novembro 2013, okazis la premiero de la nova libro de Julian Modest “Mara stelo”, eldonita de la moskva “Impeto”. Ĝin prezentis Mariana Elenova kaj Petar Todorov. Julian Modest legis sian novan rakonton.