HeKo 560 4-C, 18 jun 14
La paktintaj establoj rajtas registri siajn blazonojn, laŭ la artikolo 7 paragrafo 4 de la Konstitucio. Ĝis nun faris tion nur kvar paktintoj, nome: AEU, ENa, KCE, LF-koop.
Por tion plenumi necesas proponi grafike desegnitan simbolon. La blazona fako de la Civita Registro pretas helpi desegni la simbolon kaj grafike aranĝi la tuton. Ĉi tiu servo estos senpaga, se la koncernaj paktintoj petos ĝis la 31a de julio 2014. Alvenis jam la petoj de ASSI, FAR, FEM, IIC, KEA, LF, PEN. La servo estas senpage mendebla ankaŭ tra nia redakcio.
Post la indikita dato por la menciita servo la establoj pagos al la Registro apartan kotizon, indicitan laŭ la kontingentoj de la Monda Banko.