HeKo 543 3-B, 1 nov 13
Dum la jarduo 2012-2013 ok titoloj estis surmerkatigitaj laŭ la poezia ĝenro en esperanto. Inter ili la membraro de la Esperanta PEN ĵus selektis kvar, kiuj kandidatas por la premio “La Verko de la Jaro 2013”. Por trapasi la selektadon necesis ricevi minimume tri apogojn.
La kandidataj libroj estas:
“Elkore” de Klara Ilutoviĉ
“Fajra hundo / Chien de feu” de Marie-France Conde Rey
“Laŭ neplanitaj padoj” de Baldur Ragnarsson
“Maturaj meditadoj” de Dimitrije Janiĉiĉ.
La abonantaro de “Literatura Foiro” per referendumo asignos la premion. La balotilo situos en la decembra numero 2013 de la revuo.