La nuna Konsulo, sen. Giorgio Silfer, ne faros publikan deklaron pri Palestino, male ol okazis en marto 2003 pri la baldaŭa milito en Irako, fare de la tiama Konsulo, sen. Walter Zelazny. Laŭ c-ano Silfer hodiaŭ ekzistas nek la sama urĝo nek la sama specifeco de 2003. Tial pri la palestina problemaro, kaj ne nur pri ĝia lasta trisemajna militepizodo en la strio de Gazao, okupiĝos la Senato dum sia baldaŭa sesio (Pasko 2009).
La majoritata Verda grupo ĵus anoncis la preparon de rezolucio, diskutota dum la senata sesio. La rezoluciproponon interalie subskribos gesen. Walter Zelazny (grupestro), Perla Martinelli kaj Bertil Nilsson. Eblas ke ĝi ne estos la sola diskutota teksto: ankaŭ la minoritata Ruĝa grupo povus proponi rezolucion, opozicie al la unua.
Propran mesaĝon la Konsulo intencas publikigi okaze de la ĉi-monata Tago de la Memoro, pri Holokaŭsto.