Kultura Centro Esperantista organizas lingvotestan sesion 14-15 oktobro 2012 ĉe la naturamika Esperanto-Domo en Malago, Andaluzio, por la niveloj B1, B2, C1 kaj C2 laŭ la LingvoTesta Sistemo de la Esperanta Civito, la sola kiu aplikas al nia lingvo ĉiujn ses nivelojn de la Komuna Eŭropa Framo de Referenco, kaj ankaŭ ties rekomendon unue fari la parolan kaj due la skriban ekzamenon.
La nivelo C2 estos testata la 14an de oktobro. La komisiono konsistos el gec-anoj Perla Martinelli kaj Bertil Nilsson, plus eventuala(j) fakulo(j) laŭ la temo elektita de la kandidato(j). Limdato por aliĝi al la C2-nivela ekzameno: 14 septembro 2012.
La ceteraj niveloj estos testataj la 15an de oktobro. La komisiono konsistos el gec-anoj Marie-France Conde Rey kaj Giorgio Silfer. Limdato por aliĝi: 10 oktobro 2012.
Pliaj informoj ĉe KCE aŭ tra nia redakcio.