Laŭ peto de la koncernato mem, ni (re)aperigas la suban:
Karaj Geesperantistoj!
Tie sincere volas mi peti pardonon al la Esperanta Civito kaj al HeKo, kaj al ĉiuj, kiujn mi (senvole) ofendis per miaj (jam forigitaj) komentoj!
►1) Mi eraris, kiam mi kritikis la Esperantan Civiton kaj la HeKo-n sed la bazo de tiu ĉi kritiko ne la objektivaj travivaĵoj estis, sed subjektivaj skribaĵoj de aliaj homoj.
►2) Mi eraris, ĉar mi negative kvalifikis la HeKo-n kvankvam mi ne kutimas legi ĝiajn artikolojn.
►3) Mi erare faris, kiam mi ne skribis unue por la redaktoro de HeKo pri miaj pensoj, kaj rimarkoj rilate de la menciita artikolo, sed mi publikigis miajn rimarkojn sendemande la redaktoron kaj senkonfirmiĝe pri mia aserto. Kaj bedaŭrinde mi ekokupiĝis pri tiu afero, kiu ne apartenas al mi.
La saĝaj homoj lernas de eraroj de aliaj, la malsaĝaj ne lernas eĉ de la siaj! Ni estu saĝaj!
(Arató Kocsárd Valér, 32-jara, Hungario)