HeKo 342 3-C, 16 nov 07
Unua grava sukceso de la kampanjo kontraŭ mortpuno en la tuta mondo: hieraŭ, per 99 voĉoj poraj, 52 kontraŭaj kaj 33 sindetenoj la tria komisiono de Unuiĝintaj Nacioj aprobis la moratorian rezolucion proponitan de Nova Zelando kaj Brazilo, kaj forte apogatan de la membroŝtatoj de Eŭropa Unio. La necesa kvorumo estis 97.
Meze de decembro la Ĝenerala Asembleo de UN definitive balotos pri la rezolucio. Similaj rezolucioj estis proponitaj en 1994, 1999, 2003, kaj ĉiam malaprobitaj de UN.
La Esperanta Civito estas unu el la multaj kolektivaj subjektoj kiuj subtenas la kampanjon, post la koncerna decido de la Kapitulo en marto 2007. Fakte la Civito estas la sola reprezentanto de la esperanta popolo en tiu kampanjo.