Dek personoj el kvin landoj (denaskaj lingvoj: esperanta, franca, germana, hispana, hungara, itala, pola) partoprenas en la du sesioj de la Esperantologia Fakultato, organizita de Kultura Centro Esperantista en Ĉaŭdefono, 7-11 kaj 13-17 aŭgusto 2008. La kursoj pritraktas la esperanto-literaturon kaj la historion de Esperantio: lekcias gesenatanoj d-ino Perla Martinelli, d-ro Giorgio Silfer, prof. d-ro hab. Walter Zelazny.
Apud la fundamentaj partoj, la monografiaj okupiĝas pri “La infana raso” de William Auld; La UEA de Hodler kaj Privat; la konceptoj de aparteno, inkludo kaj identeco; la lingvotestado laŭ KEFR. Aparte interesaj estis la esploro kaj diskuto pri la zamenhofa mondpercepto: interalie, kongrue kun lia cenzurita strofo “Hebreoj, kristanoj kaj mahometanoj / ni ĉiuj de Di” estas filoj”, la analizataj tekstoj demonstras ĉe Zamenhof aliĝon al fono komuna inter izraelidoj, ortodoksaj kristanoj kaj islamanoj; la opozicio laòs-ethné, analogie al ummah-kufr, trovas disvolvon en la hilelismo-homaranismo.
Aldonu komenton