Preskaŭ ĉiuj elstaraj zamenhofologoj aliĝis al la diskutlisto de Scienca Instituto Zamenhof, kie la plej verva kontribuanto estas c-ano Francisko Degoul.
Tiu listo tre utilis por prepari du simpoziojn pri homaranismo kaj inspiri verkojn pri Lazaro Ludoviko Zamenhof, ĉu esee ĉu libre, kiel “La familio Zamenhof” de c-ino Zofia Banet-Fornalowa kaj “Ludoviko Lazaro Zamenhof” de sen. Walter Zelazny. Kaj danke al la fervoraj esploroj de c-ano Degoul ekestis interesa Homaranopedio.
Evidente la diskutlisto referencas al la raŭmisma medio, kiu fakte pli profunde okupiĝas pri Zamenhof kaj liaj idealoj, kompare kun aliaj medioj. Tamen, ĉar temas pri sciencaj esploroj, neniu estas forbarita, krom se tiu forbaras sin mem. Aliĝo al la diskutlisto eblas ankaŭ tra nia redakcio. Bonvenon!
(Scienca Instituto Zamenhof, agnoskita de la Senato de la Esperanta Civito, 26 februaro 2002)
[HeKo 598 1-C, 14 nov 14)