Nova dato por la dua Afrika Esperantologia Semajno, komuna projekto de Kultura Centro Esperantista kaj SIPU kadre de la Pakto por la Esperanta Civito. Anstataŭ jarŝanĝe, ĝi okazos de la 3a ĝis la 7a de januaro 2008 en Buĵumburo, ĉefurbo de Burundio.
HeKo 342 3-C, 16 nov 07
Unua grava sukceso de la kampanjo kontraŭ mortpuno en la tuta mondo: hieraŭ, per 99 voĉoj poraj, 52 kontraŭaj kaj 33 sindetenoj la tria komisiono de Unuiĝintaj Nacioj aprobis la moratorian rezolucion proponitan de Nova Zelando kaj Brazilo, kaj forte apogatan de la membroŝtatoj de Eŭropa Unio. La necesa kvorumo estis 97.
Post la Konsulo de la Esperanta Civito, ankaŭ la Plenum-Komitato de Sennacieca Asocio Tutmonda aliĝis al la kampanjo iniciatita de iberiaj esperantistoj por la nuligo de la honoro al Francisco Franco, kiel alta protektanto de la Universala Kongreso en Madrido 1968.
En la arto-fako de la Regiona biblioteko en Razgrado (Bulgario), 9 novembro 2007 la Esperantista domo de kulturo “D-ro Ivan Kirĉev” kaj la loka Klubo de la kulturagadantoj organizis oficialan promocion de la libro “D-ro Ivan Kirĉev aŭ homo faber”, kompilitan de Dimitar Petrov kaj Svilen Marinov.
Kaj Probal Dasgupta, Prezidanto de UEA, kaj Osmo Buller, ĝenerala direktoro de la roterdama CO, reagis negative al la kampanjo iniciatita de iberiaj esperantistoj por nuligi la “honoran prezidantecon” (fakte: altan protektadon) de Francisco Franco okaze de la Universala Kongreso 1968 en Madrido.
HeKo 341 8-C, 11 nov 07
HeKo 341 7-C, 9 nov 07
La Konsulo de la Esperanta Civito subskribis la sekvan publikan proteston:
La jaron 1968 la Universala Kongreso de Esperanto okazis en Madrido kaj ĝia honora prezidanto estis Francisco Franco, puĉisto provokinta kruelan militon, diktatoro de Hispanio dum 39 teroraj jaroj kaj ĉefa respondeculo pri ĉ. miliono da murditoj.
Literatura Foiro proponas al siaj abonantoj buntan lego-materialon en la jam aperinta numero 229.
En la Goldoni-jaro: Carlo Minnaja tradukis la komedion “La kafejo”, kies unua akto premieras en la oktobra numero de la revuo. Aldonas Paul Gubbins: itala spirito kun nordangla akĉento
HeKo 341 5-C, 30 okt 07
Hodiaŭ la retejo www.esperantio.net atingis la centmilan vizititan paĝon, de post la 31a de oktobro 2006: precize unu jaro minus unu tago. La mezumo egalas al preskaŭ po 300 vizitoj tage. La vizitantoj mem superis 74.000, kun mezumo de pli ol 200 tage.
HeKo 341 4-C, 29 okt 07
Joan Font i Giralt (1899[1924]-1936) estas unu el la miloj da ekleziuloj mortigitaj en Hispanio dum la dua respubliko, inter 1934 kaj 1938, ne nur dum la civila milito. Lia nomo mankas en la listo de la kvincento da martiroj beatigitaj de papo Ratzinger en Romo, 28 oktobro 2007 (malfeliĉa tago, ĉar datreveno de la faŝisma venko en Romo 1922).
En la alproksimiĝanta, nova jaro 2008, en Pollando komencos aperadi nova revuo titolita jam – SPEGULO.
