Solena malfermo de la Internacia Fervojista Esperanto-Kongreso hodiaŭ matene en Varno, sub la prezido de s-ino Rodica Todor. La prezidantino de Internacia Fervojista Esperanto-Federacio “donis tre bonan impreson per sia interveno, kun tre bona analizo kaj karakterizado de Bulgario”, rimarkas c-ino Miroslava Kirova, kiu salutis la kongreson nome de la Kapitulo de la Esperanta Civito.

La admirindaj pupoj konstruitaj de s-ino Katalin Rónai okaze de la centjara datreveno de la fondo de la revuo “Nyugat” inspiris al Giorgio Silfer la ideon pri <teatra ekskurso> tra la generacio de hungaraj verkistoj kiu funkciis kiel modelo ankaŭ por “Literatura Mondo”.

D-ro György Nanovfszky, kiel honora prezidanto de landa asocio kaj honora membro de UEA, esprimis sian profundan bedaŭron pro la fakto, ke la informiloj okaze de UK en Nitro forte suferos pro la nuna slovaka naciismo, kun nenia mencio pri la grava rilato inter tiuj teritorioj kaj la hungara historio, specife la ĉeesto de hungarparolantoj.

“Shakespeare en esperanto” estis la temo de la hodiaŭa literatura kafejo, organizita de Fajszi Amika Rondo sub la aŭspicio de Esperanta PEN-Centro ĉe Landa Fremdlingva Biblioteko en Budapeŝto. Prelege gastis prof. Giorgio Silfer, kiu enkondukis la publikon al esploro pri la rilatoj inter la angla klasikulo kaj nia lingvo, okaze de lia kvarcentjara jubileo.

Delegacio de Esperanta Naturamikaro, gvidata de c-ino Perla Martinelli, sekretario de ENa, renkontis hodiaŭ matene du reprezentantojn de Naturfreunde International en la Viena kvartiro de NFI.

Estas distribuata la dua represo de “Historio de la esperanta literaturo” de c-anoj Carlo Minnaja kaj Giorgio Silfer. La unua represo pretis en oktobro 2015, surbaze de la unua eldono (julio 2015). Ambaŭ represoj ne modifas la enhavon, sed limiĝas je korekto de preseraroj kaj minoraj detaloj.

Ekde 1 julio 2016 Fondumo Pro Esperanto prizorgos plian nemoveblaĵon, krom la domflegado por KCE en Ĉaŭdefono kaj la administradon de la naturamika Esperanto-Domo en Malago kaj de la Elfonesto por LF-koop.

La esperanta literaturo estas reprezentata ĉe la 48a Internacia Konferenco de Poezio en Bledo (Slovenio), 11-14 majo 2016, fare de c-ino Perla Martinelli, membro kunfondinto de Esperanta PEN-Centro.

Tute novtipa estis la oficiala inaŭguro de la Okcidenta Legacio de la Esperanta Civito, hieraŭ matene en Bruselo. Ĝi enfokusiĝis al la eksteraj NROj kaj instancoj kun kiuj la Civito kaj/aŭ ĝiaj paktintoj havas konstantajn rilatojn.

La Administra Komitato de LF-koop (KALiFo) havis ordinaran kunvenon hodiaŭ en Bruselo, ĉe la Okcidenta Legacio de la Esperanta Civito, sub la prezido de d-ino Perla Martinelli.

La Estraro de Tutmonda Esperantista Junulara Organizo definitive elektis Burundion la plej taŭga kandidato por okazigi Internacian Junularan Kongreson en Afriko, surbaze de la plej bone kompilita sinpropono kaj de pli frua raporto de la TEJO-prezidinto. Tiu IJK okazus jam la venontan jaron.