Post la definitiva retiriĝo de s-ro Ionel Onet, pri la libroservo en Roterdamo okupiĝas partatempe la sola UEA-dungito, kies ofico estas jam alia kaj tre delikata, kaj kiu ne iras ĉiutage al Nieuwe Binnenweg 176; neniu alia restanta dungito (unuavice la direktoro) aperas en la vendata domo.
La libroservo de Kultura Centro Esperantista en Ĉaŭdefono estas delonge la plej vasta en Svislando, sed ankaŭ unu el la plej vastaj en Esperantio: ĝia sortimento proponas pli ol milon da selektitaj titoloj, ofte eldonaĵoj elĉerpitaj kaj ne troveblaj aliloke; kaj ĝian riĉigon prizorgas ne burokratoj, sed aŭtentaj esperantologoj, kiuj membras en la Komitato de KCE.
La unua eldono de “Historio de la esperanta literaturo” (2015, jam kun tri represoj) enhavis kvindek kvar ĉapitrojn, la dua eldono enhavos sesdek (sume 570 paĝojn): la lastaj kvar ĉapitroj, dediĉitaj al la sesa periodo (1993-2022), fariĝis dek, per kompleta reverkado de la malnovaj kaj aldono de ses novaj.
La kvara NaturAmika KulturSemajno en Esperanto (NAKSE), okazonta en Malago 9-13 oktobro 2026, estos kvante la plej sukcesa ĝis nun, danke al la aktiveco de la Formiketoj (organiza teamo), precipe gec-anoj Manuela Blanco kaj Carlos Spinola.
Pluraj personoj aktivas en la informado pri la Esperanta Civito kaj ĝiaj servoj, rekte aŭ tra la paktintoj: je nivelo de konsorcia respondeco, vickonsulo Comincini pri ĉio rilate al informado, retejo, cifereco, kaj vickonsulo Piccinini pri afiŝoj rilate al eventoj, kunordige kun informado; je nivelo de unuopaj paktintoj, ĉiu establo estas aŭtonoma, sed plej aktiva estas vickonsulo Giordan
La rekupero de la konstruoj en Lesjoforso ekis hieraŭ per la riparo de la tegmento kaj la purigo de la interno de la dometo apud la Skandinava Esperanto-Domo, nomata La Kukolnesto: pri la tegmento okupiĝas faka entrepreno de civito Filipstad, pri la interno la tri volontuloj de la deĵorpatrolo de Civila Esperanta Servo mobilizita de ekster Svedio.
Post unumonata prizorgado, la nova retejo de Literatura Foiro estis lanĉita hodiaŭ, koincide kun la 25-jara datreveno de la Konstitucio de la Esperanta Civito. La teknika laboro de la kunĉefredaktoro, c-ano Alessio Giordano, enkondukis novaĵojn grafikajn, teknikajn kaj enhavajn, kiuj kune igas la retejon pli moderna kaj avangarda.
HeKo 911 8-C, 2 jun 26
Hodiaŭ ni festas la Tagon de la Esperanta Lingvo, konforme al la unusola dato certa pri ĝia naskiĝo, nome la permeso de la cara cenzuro por la nemodifebla teksto de la Unua Libro; samtempe ekas la arĝenta jubileo de la Esperanta Civito, kies konstitucio estis promulgita en Sabloneto 2 junio 2001.
Civila Esperanta Servo memorigas ke la tempo por la volontula deĵoro en ajna projekto kaj en ajna kontinento estas ekvivalenta al volontula soldatservo; konsekvence ĉiu stabano (specife buralisto) partoprenanta en deĵora patrolo aŭ brigado (depende de la dimensio) havas la rajton sed ne la devon plenumi taskojn aŭ komisiojn laŭ sia delego fare de Civita instanco aŭ sia kontrakto kun paktinta es
Post Kimura Goro Christoph, c-ano Giacomo Comincini renkontis la 29an de majo alian gravulon de interlingvistikaj studoj en Japanio: temas pri prof. Gotoo Hitosi, emerita docento de la Tohoku-universitato kaj eminentulo de la japana e-movado.
Estas prespreta unu el la tri verkoj omaĝe al la arĝenta jubileo de la Ĉarto de Sabloneto (la Konstitucio de la Esperanta Civito, promulgita 2 junio 2001): temas pri la esearo de d-ro Giorgio Silfer “La socia historio de la esperanta popolo”, 250-paĝa volumo inkluzivanta historie tre interesajn bildojn.
Atingis la duan lecionon la kurso pri konstitucia juro gvidata de c-ano Giacomo Comincini okaze de la arĝenta jubileo de la Ĉarto de Sabloneto, nome la konstitucio de la Esperanta Civito: deko da tre interesataj stabanoj traktis hieraŭ la analogion kun la federaciaj strukturoj kaj ekzamenis la diferencojn kun aliaj subjektoj.
