Heroldo Komunikas | Heroldo Komunikas

Eugene Schoulgin internacia PEN-sekretario

HeKo 334 1-B, 11 jul 07

Eugene Schoulgin, 68-jara norvega verkisto loĝanta en Turkio, estas la nova internacia sekretario de PEN-Klubo. Iama gvidanto de la Komitato por verkistoj en prizono, Schoulgin estas eble la plej populara membro de PEN Internacia. Tial estas tute kompreneble ke li gajnis en la baloto per granda majoritato: 50 kontraŭ 30.

Kreskas la reputacio de esperanto tra PEN

HeKo 333 9-B, 8 jul 07

Dum interne de UEA en Eŭropo oni preparas sin al la “ﬁna venko” pafante unu kontraŭ la alia (post la kapo de Marija Belošević nun la kroata landa asocio petas ankaŭ la kapojn de la elekta komisiono: Edwige Tantin Ackermann, Istvàn Ertl kaj aliaj), en Afriko raŭmistoj serioze laboras por kreskigi la reputacion de esperanto ĉe la mondkongreso de la verkistaro. Jen kelkaj rezultoj.

La estona kazo en la PEN-mondkongreso

HeKo 333 8-B, 6 jul 07

Laŭ invito de la prezidantino, Kata Kulavkova, hodiaŭ la delegito de la Esperanta PEN prezentis al la Komitato pri Tradukado kaj Lingvaj Rajtoj dum la PEN-mondkongreso en Dakaro tion, kion oni nomas “la estona kazo”.

Inaŭgurita la verkistara mondkongreso

HeKo 333 7-B, 5 jul 07

Hodiaŭ la prezidento de Senegalio, Abdoulaye Wade, inaŭguris la 73an PEN-mondkongreson en Dakaro, dediĉitan al la ĉeftemo: “La vorto, la mondo kaj la homaj valoroj”. La nunan kongreson nature karakterizas la pli granda ĉeesto de afrikanoj, kiuj povus per siaj voĉoj decidi pri la orientiĝo de la Asembleo de la delegitoj.

Unua literatura seminario en Dakaro

HeKo 333 6-B, 3 jul 07

“Neniam mi havis la okazon partopreni en tiel intensa, interesa kaj kleriga seminario en esperanto” deklaris s-ro Yacinthe Nicolas Badij post la sephora seminario pri nia literaturo, dimanĉon la 1an de julio 2007 en Dakaro, ĉe Hotelo Le Lodge, kvazaŭ esperanta entreo en la menuo de la 73a PEN-mondkongreso, kiu parte ﬁnancis ĝin, kune kun LF-koop.

Rekorda junio por nia retejo

HeKo 333 5-C, 2 jul 07

En junio 2007 (30 tagoj) unuafoje www.esperantio.net superis la nombrojn de dek mil individuaj vizitoj kaj dek tri mil vizititaj paĝoj. Ambaŭkaze temas pri preskaŭ la duoblo kompare kun majo (31 tagoj).

Senatokonsulto pri familia juro

HeKo 333 4-C, 1 jul 07

Hodiaŭ startas la telematika senatokonsulto pri la familia juro, laŭ leĝopropono ĵus liverita de la Verda grupo al la Konsulo. La konsulto daŭras tridek tagojn, kaj ekzamenas la detalojn de la propono, kun eventualaj amendoj fare de kiu ajn senatano. La ﬁna diskuto kaj voĉdono okazos dum la aŭgusta sesio de la Senato en Loklo.

La 23a horo de la prezidanto

HeKo 333 3-A, 28 jun 07

En intervjuo al “La Ondo de Esperanto”, lasta numero, d-ro Renato Corsetti deklaras:

Heroldo – oka numero en 2007

HeKo 333 2-B, 27 jun 07

Akurate aperis la oka numero de “Heroldo de Esperanto” en 2007. Jen sintezo de la ĉefaj temoj.

Nia lingvo ĉe la Rotaria parlamento. La subteno de Esperantio al la mortpuna moratorio en la mondo. Amnestio Internacia pri lingva diskriminacio en Estonio. Esperanto en franca kaj itala televizioj.

La Civito aliĝis al la mortopuna moratorio

HeKo 333 1-C, 26 jun 07

La Esperanta Civito aliĝis al la kampanjo ĉe UN por ĝenerala moratorio pri mortopuno. La kampanjo vidas jam la aliĝon de kelkdeko da ŝtatoj.

Gbeglo petas reformi la UEA-elektosistemon

HeKo 332 9-A, 25 jun 07

En publika cirkulero al la Komitato de UEA, c-ano Koﬃ Gbeglo (togolanda forumano ĉe la Esperanta Civito kaj togolanda A-komitatano ĉe UEA) forte kritikas la elektosistemon de la Asocio. La kritiko originas el la kroata konﬂikto ĉirkaŭ f-ino Marija Beloŝeviĉ, oﬁciale rekomendita kandidato por la estraro. Jen la teksto de c-ano Gbeglo.

* * * * *

Pli forta la KCE-Komitato

HeKo 332 8-B, 24 jun 07

La Komitato de Kultura Centro Esperantista, kunsidinta hodiaŭ en la Esperanto-Domo en Svislando, plenumis la rotacion de oﬁcoj meze de la nuna mandato. La vicprezidantino, sen. Perla Martinelli, transprenas la oﬁcon de prezidanto el c-ano Daniel Muhlemann, kiu fariĝas sekretario. La nuna sekretario, sen. Rooke, transprenas la vicprezidantecon.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.