Asocio de Verduloj Esperantistoj (bedaŭrinde ne mem brilanta ekzemplo de interna demokratio) dissendis la suban komunikon, kohere kun pli fruaj kuraĝaj kritikoj pri Popola Ĉinio.
Tagon antaŭ la naskiĝa centa datreveno de prof. d-ro Ivo Lapenna, la Esperantista Domo de Kulturo “D-ro Ivan Kirĉev” en Razgrado (Bulgario) organizis vesperon dediĉitan al li. Al la salono de la kulturdomo tiun serenan novembran vesperon venis samlingvanoj kaj amikoj de Lingvo Internacia en la urbo, por scii pli pri la “heroo de Montevideo”.
“Unu celo de la kampanjo “protekti la lingvan medion” estas en ĉiu iniciato ponti inter ebeno kaj ebeno, inter laborstrio kaj laborstrio, inter uzantoj kaj neuzantoj de Esperanto, por kreskigi la senton de komuna posedado aŭ kunposedado de specifaj projektoj fare de diversaj partneroj.
La politika integriĝo de Eŭropo faris paŝeton antaŭen, per la unua apliko de la Traktato de Lisbono: la ĵusa elekto de la unua prezidanto kaj la unua “ministro pri eksteraj aferoj” en la historio de Eŭropa Unio.
Konforme al la direktivo Muhlemann, aprobita en 2006 de la Forumo de la Esperanta Civito, Kultura Centro Esperantista regule reprezentas nian lingvon en la aranĝoj de la Asocio de LingvoTestistoj en Eŭropo (ALTE), kaj tio okazis ankaŭ en Irlando, dum la 37a internacia konferenco de ALTE, 11-13 novembro 2009.
Hodiaŭ vespere kelkaj geparlamentanoj de la Esperanta Civito neformale kuniĝos en la Esperanto-Domo en Svislando por diskuti pri la morgaŭa “Internacia Tago kontraŭ Perforto al Virinoj”. Por la okazo sen. Perla Martinelli enkondukos la mesaĝon de sen. Chamberline Nguefack, vickonsulo pri socialaj aferoj kaj tria mondo.
Esperantista domo de kulturo “D-ro Ivan Kirĉev” kaj Esperanto-societo “D-ro L. L. Zamenhof” Razgrad invitas al la Zamenhofa semajno, dediĉita al la 150a naskiĝa datreveno de d-ro L. L. Zamenhof kaj la 25-jariĝo de la Esperantista Domo de Kulturo “D-ro Ivan Kirĉev”, 7-15 decembro 2009 en Razgrado (Bulgario), laŭ la suba programo.
Vi partoprenis en unu el la Esperantologiaj Semajn(fin)oj en Afriko, Ameriko aŭ Eŭropo, organizitaj partere de Kultura Centro Esperantantista. Aŭ/kaj vi diplomiĝis en C-grado per la LingvoTesta Sistemo de la Esperanta Civito. Tre ofte (sed ne nepre) vi havas la esperantan civitanecon.
Virtuala komunumo kun alta deliktorisko, Ipernity blokis la konton de la prezidanto de Hispana Esperanto-Federacio, Pedro Hernández, pro la akuzo de ekshibiciismo. Pedro Hernández estis devigata forigi siajn fotojn (pro kiuj pluraj en Hispanio moke kromnomis lin “el tío croqueta”…).
Post maloftigo de la elsendoj en nia lingvo, tuj antaŭ la Universala Kongreso en Bjalistoko, Pola Radio lastatempe fermis sian monujon: la rimedoj por la programproduktado estis grave limigitaj kaj en la lasta periodo estis ĉesigitaj la honorarioj por la kunlaborantoj. Tio signifus, ke la esperanto-redakcio de Pola Radio nuntempe konsistus nur el bonvoluloj.
