C-ano Francisko Degoul, membro de Esperanta Naturamikaro, kun la surloka apogo de c-ano Giorgio Silfer, ankaŭ membro de ENa, organizas ekskursaron en la ĉaŭdefona Ĵuraso, 31 oktobro — 4 novembro 2012.
En intervjuo al la vicprezidanto de Tutmonda Esperantista Junular-Organizo, s-ro Michael Boris Mandirola, li tute prave asertas ke “malamikeco inter Universala Esperanto-Asocio kaj la Esperanta Civito estas certe tre bedaŭrinda afero”.
Diskonigis ĝin James Bond, per unu el la plej famaj filmoj post la Connery-epoko; hodiaŭ ĝi estis la celo de la unua ekskurso kadre de la 9a Internacia Naturamika Semajno. Temas pri Schilthorn, sur Piz Gloria: mirinda panorama platformo je preskaŭ 3.000 metroj super la marnivelo.
Esperanto kiel lingvo de Eŭropa Unio, kaj specife de eŭropa identeco, estas karakterizo de Eŭropa Esperanto-Unio, unuavice de ĝia sekretario Zlatko Tiŝljar. Unu el la nerektaj konsekvencoj de tiu ideologia sinteno estas favora inklino al Eŭropa Unio, inkluzive de la eŭra valuto.
Profesorino Esther Schor, el la universitato de Princeton (Usono), honoris la Esperanto-Domon per sia vizito, dum restado en Svislando pro internacia kongreso pri la angla literaturo, kiu estas ŝia ĉefa fako.
La 26a numero de “Esperantista Tribuno” jam aperis. Per artikolo de c-ino Dimitrinka Kateva la bulteno de la Esperantista Domo de Kulturo “D-ro Ivan Kirĉev” en Razgrado enkondukas la temon “Kion la bulgaroj donis al la mondo?”.
Kultura Centro Esperantista organizas lingvotestan sesion 14-15 oktobro 2012 ĉe la naturamika Esperanto-Domo en Malago, Andaluzio, por la niveloj B1, B2, C1 kaj C2 laŭ la LingvoTesta Sistemo de la Esperanta Civito, la sola kiu aplikas al nia lingvo ĉiujn ses nivelojn de la Komuna Eŭropa Framo de Referenco, kaj ankaŭ ties rekomendon unue fari la parola
