La Kapitulo kunvenos en Lombardio
HeKo 709 2-C, 14 maj 19
La Kapitulo de la Esperanta Civito kunvenos en Lombardio tuj antaŭ la parlamenta sesio, kunvokita al la urbodomo de Salò, 24 majo 2019.
majo 2019
Ĉu landaj kaj fakaj asocioj pagos la deficiton de UEA?
HeKo 709 3-A, 16 maj 19
La financa krizo de Universala Esperanto-Asocio fontas el la aprobo de deficitaj spezkalkuloj, kaj eĉ de fantaziaj buĝetoj, kiuj prognozis la eniron de grandaj subvencioj apenaŭ aŭgureblaj. Aldone, la Asocio aprobis la elspezon de fantastaj sumoj, kiel cent mil eŭroj por neniam realigita universala retejo.
Ora jubileo de "La Patrolo" celebrita en Bolonjo
HeKo 709 4-B, 19 maj 19
Tazio Carlevaro, Carlo Minnaja, Giorgio Silfer celebris hodiaŭ en Bolonjo kun trideko da abonantoj kaj geamikoj la kvindekan datrevenon de la fondo de la literatura rondo “La Patrolo” (1969-79), kiu en 1970 fondis la revuon “Literatura Foiro”, ankaŭ en sia kvindeka jarkolekto senpaŭze.
KCE-Komitato kunvenis en Lombardio
HeKo 709 5-B, 22 maj 19
La Komitato de Kultura Centro Esperantista kunvenis hodiaŭ en Salò (Lombardio), unuafoje en pleno, kun la partopreno de ĉiuj komitataninoj: ĝi ja konsistas el kvar virinoj. Estis invititaj ankaŭ ĉeestanta deĵorintino, la revizoro kaj alia apoganto.
Agrabla naturamika ekskursaro apud kaj sur la Garda Lago
HeKo 709 6-B, 23 maj 19
Malgraŭ la subita retiriĝo de la itala partnero (naturamika domo de Monto Baldo) kaj la sekva nuligo de la semajno pri oficinalaj plantoj, Esperanta Naturamikaro sukcesis organizi agrablan ekskursaron de la 20a ĝis la 23a de majo 2019 ĉe la Garda Lago, kun la partopreno de Esperantianoj el ses landoj kaj du kontinentoj.
Tomasz Chmielik nova prezidanto de la Esperanta PEN
HeKo 709 7-B, 24 maj 19
Pola literatura tradukisto, eseisto kaj redaktoro estas la nova prezidanto de Esperanta PEN-Centro. C-ano Tomasz Chmielik estis unuanime elektita hodiaŭ vespere fare de la Asembleo kunvokita al Barbarano de Salò, prezidata de c-ano Carlo Minnaja. Vicprezidanto restas c-ano Georgi Mihalkov, por la mandato 2019-2021.
Tri diplomitoj per LTSEC en Lombardio
HeKo 709 8-B, 25 maj 19
La privata lernejo LEST en Barbarano de Salò (Lombardio) gastigis la lingvotestan sesion de Kultura Centro Esperantista, 23-25 majo 2019. Komisionanoj Marie-France Conde Rey, Perla Martinelli kaj Giorgio Silfer taksis la lingvan kompetenton de tri kandidatoj, laŭ la direktivo Muhlemann (pri la LingvoTesta Sistemo de la Esperanta Civito).
Lingva Komitato pli granda kaj funkcikapabla
HeKo 709 9-C, 26 maj 19
La 2an de junio 2019, en la Tago de la Esperanta Lingvo, c-ano Vinko Oŝlak ekoficos kiel lingva komitatano. Li estas la dua esperantologo kiun la Konsulo alelektas dum ĉi tiu mandato, konforme al Lex Academica.
En decembro 2019 la renovigo de la Senato
HeKo 710 1-C, 27 maj 19
Konsultinte la senatajn grupestrojn kaj ricevinte la favoran opinion de la Kapitulo, la Konsulo proponis al la Senato la ĉesigon de la nuna mandato kaj la kunvokon de la elektoj por la Zamenhofa Tago 2019 (dimanĉo). Kaj la majoritato kaj la opozicio aprobis la proponon.
La Kortumo reelektota en oktobro 2019
HeKo 710 2-C, 28 maj 19
La renovigo de la arbitracia instanco (Kortumo) por la jarduo 2020-21 estis en la tagordo de la Forumo, kunvenanta en Salò. Tamen la koncerna parlamenta branĉo decidis ke la plej antikva instanco de la Esperanta Civito, plenumanta la justican povon, estos renovigita perkoresponde fare de la Forumo en oktobro 2019.