D-ino Ilona Koutny kaj d-ro Giorgio Silfer, kiuj baldaŭ prelegos dum la 11a Lingva Kolokvo de KCE, retroviĝos en Sopot (apud Gdansko, Pollando) por prelegi dum la 11a “Esperanto sur la strando”, 4-7 septembro 2025, organizita de la asocio de esperanto-amikoj “Torento”, pri kiu responsas s-ino Paulina Jaworska.
D-ino Koutny pritraktos la temon “Interkultura Komunikado”, dum c-ano Silfer fermos la renkontiĝon per la temo “La Pakto por la Esperanta Civito: dudek kvin jaroj da atingoj”, alveninte rekte el Krakovo, post la partopreno en la verkistara mondkongreso de PEN Internacia, kie li reprezentas nian literaturon.
“Lastfoje mi estis en Gdansko pro Internacia Literatura Forumo de LF-koop en 1994, kunorganizita de s-inoj Jagoda Greger kaj Judit Felszeghy. Pli frue okazis vizito en 1984, tuj post la Simpozio pri la perspektivoj de la esperanto-komuniko, organizita de Pola Esperanto-Asocio, prezidata de d-ro Jerzy Leyk. Memorinda estas la posta navigado al Helsinko, kie mi gvidis studgrupon en la Balta Esperanto-Rendevuo de LF-koop, organizita de s-ino Irma Heikkilä” atestas c-ano Silfer. “Eble ĉi-foje mi navigos al Stokholmo”.
(NL)