La delegito de la esperanto-literaturo, c-ano Giorgio Silfer, ne partoprenis en la ĵusaj elektoj por la prezido de la Pac-Komitato de PEN Internacia, car li rimarkis kvar malregulaĵojn en la proceduro, kiuj malvalidigus la rezulton.
Unue: la oficiala listo de la voĉrajtaj ne estis diskonigita antaŭe (nek poste); due: la horoj por la fermo de la baloto (kombino de reala kaj virtuala) ne koincidis; trie: la dokumentoj aneksaj al la kandidateco de unu el la du konkurantoj ne alvenis antaŭ la elektoj; kvare: por la skrutinio la Asembleo ne indikis sendependajn voĉkontrolistojn.
Post tiu protesto de nia kandidato al la literatura Nobelo, la Plenum-Komitato de PEN Internacia nomumis komisaron por gvidi la Pac-Komitaton ĝis la venonta Asembleo internacia.
Intertempe la Asembleo de la Esperanta PEN estis kunvokita al Roses (Katalunio) por la komenco de oktobro 2022, dum la unua Naturamika Kultursemajno. Nia Asembleo interalie diskutos pri la akcepto de tri novaj verkistoj/publicistoj, el Eŭropo.