HeKo 315 9-C, 22 nov 06
La Konsulo de la Esperanta Civito, prof. d-ro hab. Walter Zelazny, nomumis du lastajn Lingvajn Komitatanojn. Temas pri c-anoj Aleksander Melnikov kaj Imre Szabó. C-ano Melnikov doktoriĝis pri interlingvistiko kaj c-ano Szabó, akademia fakulo, responsas pri la esperanto-ekzamenaro ĉe la institucio deputita pri lingvotestado en Hungario.
Per la du lastaj nomumoj la Konsulo kovris ĉiun disponeblan postenon. La membroj de la Lingva Komitato, prezidata de la Konsulo mem (sen voĉrajto) estas entute naŭ: Perla Ari Martinelli, André Cherpillod, Leen Deij, Gbeglo Koffi, Aleksander Melnikov, Bertil Nilsson, Giorgio Silfer, Imre Szabó, Ljubomir Trifonĉovski. Aktisto de la Lingva Komitato estas c-ano Georgi Mihalkov.