Kunsidis hieraŭ vespere la redakcio de “Literatura Foiro”, kun tri kunlaborantoj en Ĉaŭdefono kaj aliaj el Brazilo kaj Italio kuplitaj unuafoje per “kometa” platformo, laŭ eŭropa provizisto tute sendependa de transatlantikaj gigantoj; ne partoprenis plia el Hispanio.
Ĉefredaktoro Perla Martinelli prezentis la junian numeron de la revuo (355), en sia definitiva enhavo, aparte riĉa pro (pri)virinaj kontribuoj: ankaŭ LF, kiel ĝenerale la tuta konsorcio de la Esperanta Civito, montras fortan aleston de virinoj, kompare kun aliaj periodaĵoj, institucioj kaj movadoj en Esperantio.
Sekvis la anoncoj pri la kontribuoj al la venonta numero, subtenota de pluraj interesaj prelegoj el altnivelaj aranĝoj, fine sed ne fone la ĵusa Lingva Kolokvo de KCE.
Laŭ rekomendo de la Ĝenerala Asembleo de LF-koop, ekde nun la redakcio kunsidos pli ofte, ankaŭ prepare al la duopa gvidado de kunĉefredaktoroj, kies horizonto estu komplete klara kaj profilita ekde decembro 2025.
(lf)