Inter la kontribuontoj al la programo de Baltiaj Esperanto-Tagoj (Litovio, 5-13 julio 2025) estas ankaŭ la nunaj ĉefredaktorino de “Literatura Foiro”, Perla Martinelli, kaj prezidanto de la Esperanta PEN, Giorgio Silfer. De antaŭ la pandemio ili ne partoprenis la aranĝon, al kiu ĉi-jare aliĝis jam ducento da personoj.
D-ino Martinelli prelegos pri la lastaj eldonaĵoj de LF-koop, interalie la romanoj “Asertas Pereira” kaj “Istanbul” Istanbulo”. Prof. Silfer bazos sian prelegon sur la rezultoj de la KCE-simpozio pri “Horizontoj de la nuna Esperantio”, kies resumoj estos je dispono de la aŭskultantaro. La dramverkisto prezentos ankaŭ proprajn kamiŝibajojn, probable neniun premiere.
Dum BET prelegos ankaŭ prof. Carlos Spinola kaj kantos la fama JoMo.
Aldonu komenton