HeKo 509 1-B, 14 jun 12
Sen. Marco Cattaneo reprezentos esperanton, nome de Kultura Centro Esperantista, ĉe la laborgrupaj sesioj de ALTE en Sofio, meze de septembro 2012. KCE estas institucia aliĝinto al la Asocio de LingvoTestistoj Eŭropaj, kaj kunlaboras kadre de kelkaj fakaj grupoj.
Marco Cattaneo estas magistro pri germanistiko kaj fakiĝis pri tradukado. Li anstataŭas d-inon Margherita Bianchi, kiu sekvis la aktivecon de ALTE nome de KCE dum la lastaj du jaroj. La kunordigado de la ĉeesto en ALTE restas tasko de KCE-komitatano, nome c-ino Perla Martinelli, kiu ankaŭ membras en la Kapitulo kiel vickonsulo pri edukado.