HeKo 334 9-C, 26 jul 07
La Verda grupo anoncis en Bruselo, 19 marto 2007, la proponon reformi la artikolon 17, par. 3 de la Konstitucio, kiu nun tekstas jene:
3. La gajninta listo rajtas je minimume ok senatanoj, inkluzive de la Konsulo kaj la Vickonsulo; la ceteraj postenoj estas asignitaj proporcie inter ĉiuj listoj laŭ la Dawnt-sistemo.
La teksto fariĝus:
3. La gajninta listo rajtas je minimume ses senatanoj, inkluzive de la Konsulo kaj la Vickonsulo; la ceteraj postenoj estas asignitaj proporcie inter ĉiuj listoj laŭ la Dawnt-sistemo.
La propono estis adekvate klarigita dum la Senata sesio, fare de la Vickonsulo, sen. Marie-France Conde Rey. Esence, ĝi favoras la minoritatojn. Se en 2006 validus jam la propono, la Blanka Listo ricevus unu senatanon plian (do tri), dum la Verda ricevus unu malplian (do dek kvin).
Por aprobi la proponon necesas tri kvaronoj de la voĉoj en la Senato, kaj poste la ratifo de la Forumo. Tial la amendo estos aprobita nur en 2008, kvankam jam nun okazas senatokonsulto pri ĝi.
Aldonu komenton