La 23a horo de la prezidanto
HeKo 333 3-A, 28 jun 07
En intervjuo al “La Ondo de Esperanto”, lasta numero, d-ro Renato Corsetti deklaras:
En intervjuo al “La Ondo de Esperanto”, lasta numero, d-ro Renato Corsetti deklaras:
Heroldo – oka numero en 2007
HeKo 333 2-B, 27 jun 07
Akurate aperis la oka numero de “Heroldo de Esperanto” en 2007. Jen sintezo de la ĉefaj temoj.
Nia lingvo ĉe la Rotaria parlamento. La subteno de Esperantio al la mortpuna moratorio en la mondo. Amnestio Internacia pri lingva diskriminacio en Estonio. Esperanto en franca kaj itala televizioj.
La Civito aliĝis al la mortopuna moratorio
HeKo 333 1-C, 26 jun 07
La Esperanta Civito aliĝis al la kampanjo ĉe UN por ĝenerala moratorio pri mortopuno. La kampanjo vidas jam la aliĝon de kelkdeko da ŝtatoj.
Gbeglo petas reformi la UEA-elektosistemon
HeKo 332 9-A, 25 jun 07
En publika cirkulero al la Komitato de UEA, c-ano Koffi Gbeglo (togolanda forumano ĉe la Esperanta Civito kaj togolanda A-komitatano ĉe UEA) forte kritikas la elektosistemon de la Asocio. La kritiko originas el la kroata konflikto ĉirkaŭ f-ino Marija Beloŝeviĉ, oficiale rekomendita kandidato por la estraro. Jen la teksto de c-ano Gbeglo.
* * * * *
Pli forta la KCE-Komitato
HeKo 332 8-B, 24 jun 07
La Komitato de Kultura Centro Esperantista, kunsidinta hodiaŭ en la Esperanto-Domo en Svislando, plenumis la rotacion de oficoj meze de la nuna mandato. La vicprezidantino, sen. Perla Martinelli, transprenas la oficon de prezidanto el c-ano Daniel Muhlemann, kiu fariĝas sekretario. La nuna sekretario, sen. Rooke, transprenas la vicprezidantecon.
Mikrokredita instituto en Lomeo
HeKo 332 7-A, 22 jun 07
Fonduso Esperantista por Interhelpado kaj Mikro-kreditoj (FEIM) estas unu el la ĵus naskitaj organizoj kiuj markas la aktualecon en togolanda esperanto-medio.
"Hodler en Mostar" Verko de la Jaro 2006
HeKo 332 6-B, 21 jun 07
La libro de Spomenka Ŝtimec “Hodler en Mostar” gajnis la internacian PEN-premion “La Verko de la Jaro” por 2006, rezervitan al prozo. “Hodler en Mostar” estis selektita de la membroj de la Esperanta PEN-Centro kune kun kvin aliaj titoloj: la laŭron atribuis la abonantaro de “Literatura Foiro”, per referendumo.
Plia landa asocio en la Pakton
HeKo 332 5-C, 20 jun 07
Esperanto-Federacio de Niĝerio (EFEN) estas la dua landa asocio de UEA kiu eniros la Pakton por la Esperanta Civito. Estas rimarkinde ke, jam antaŭ la niĝeria aliĝpeto, kvin UEA-komitatanoj (A kaj B) kaj unu prezidinto akiris la Esperantan civitanecon.
Literatura PEN-seminario en Dakaro
HeKo 332 4-B, 19 jun 07
Tuj antaŭ la literaturista mondkongreso de PEN Internacia, dimanĉon la 1an de julio 2007 en Dakaro, Senegalio, okazos seminario pri la esperanto-literaturo, gvidata de c-ano prof. Giorgio Silfer. La partopreno en la seminario estas senpaga, sed necesas anonci sin ĉe s-ro Yacinthe Nicolas Badji, kiu estas la loka referenculo.
Estraro de UEA: ludo fermita, kroato ofendita
HeKo 332 3-A, 18 jun 07
La Estraro de UEA 2007-2009 estas teorie elektota en Jokohamo sed praktike jam difinita pro la sovetieca metodo kiu karakterizas la demokration internan al la Asocio: vidu en HeKo 331 1-A. Kongrue al tiu metodo, la sola rimedo por influi la elektojn estas protestadi tra la ĝenerala opinio, ne pri la metodo mem, sed pri detalo.
Somera Universitato pri geopolitiko
HeKo 332 2-B, 17 jun 07
Kultura Centro Esperantista anoncas la definitivan programon de la Somera Universitato pri Geopolitiko, en Ĉaŭdefono 20-23 aŭgusto 2007. Informoj kaj aliĝoj tra KCE aŭ nia redakcio.
Lundon la 20an
matene: alvenoj. 14h30-16h00: Kio estas geopolitiko? // 16h30-18h00: Esencaj trajtoj de federismo
Mardon la 21an
Internaciaj abontarifoj de LF-koop
HeKo 332 1-B, 15 jun 07
Ekde la 1a de julio 2007 la internaciaj abontarifoj de la periodaĵoj posedataj de LF-koop iomete altiĝos.
La abono al “Literatura Foiro” 2008 (kaj 2007 por la malfruantoj) transiros de 33,- eŭroj al 34,- eŭroj: do nur unu eŭron pli.
La abono al “Heroldo de Esperanto” 2008 (kaj 2007 por la malfruantoj) transiros de 36,- eŭroj al 38,- eŭroj: do nur du eŭrojn pli.