La membrorevuo de Germana Esperanto-Asocio aldonis al sia lasta numero la formularojn por kolekti la subskribojn de germanaj ŝtatanoj, necesajn por ke la partio Eŭropo-Demokratio-Esperanto partoprenu en la venontjaraj elektoj por la Parlamento de Eŭropa Unio.
Regule aperis la numero 2128 de “Heroldo de Esperanto”, 13a en la jaro, raportanta pri la eventoj en la dua duono de septembro kaj komence de oktobro.
HeKo 371 3-C, 14 okt 08
Estas okazanta la Internacia Semajno de la Esperanto-Biblioteko, regule je la 42a semajno de la jaro. La Semajno estis kreita de la Forumo de la Esperanta Civito en marto 2007, per la aprobo de direktivo Rogora, pri la Komuna Integrita Biblioteka Sistemo de Esperantio.
La Konsulo de la Esperanta Civito proponas organizi Afrikan Kongreson de Esperanto okaze de la ora jubileo de la sendependiĝo de multaj afrikaj landoj, “por montri ke la esperanto-kulturo partoprenas la procezon de memdeterminado de la popoloj”.
HeKo 371 1-C, 12 okt 08
Ekas hodiaŭ la Internacia Semajno de la Esperanto-Biblioteko, okazanta ĉiujare je la 42a semajno. La Semajno estis kreita de la Forumo de la Esperanta Civito en marto 2007, per la aprobo de direktivo Rogora, pri la Komuna Integrita Biblioteka Sistemo de Esperantio.
Per la partopreno de Ljubomir Trifonĉovski, sekretario de Esperanta PEN-Centro, la esperanta literaturo estis reprezentita en la Balkana PEN-konferenco, okazinta 7-10 oktobro 2008 en la palaco de la rumana reĝino en Balĉik (Bulgario).
HeKo 370 9-C, 10 okt 08
La Spirita Gvidantino de Oomoto, Majstrino Deguĉi Kurenai, kaj la Vickonsulo de la Esperanta Civito, senatano Marie-France Conde Rey, havis oficialan renkonton en gastĉambro de la rezidejo de la Spirita Gvidantino en Kameoka, okaze de la vizito de Senatano Conde Rey, kiu interalie prelegis en Oomoto pri la konceptoj de paco en la esperanta kulturo.
Martti Ahtisaari gajnis la Pac-Nobelon, hodiaŭ asignitan de la norvega parlamento. Li mem havas longan karieron kiel diplomato kaj politika konsilisto, ĝis la rango de prezidento de Finnlando (1994-2000): nuntempe la tria lando en la mondo laŭ kvanto de private posedataj armiloj, post Usono kaj Jemeno. Li estis interalie la alta protektanto de la Universala Kongreso en 1995.
“Post “Konsciu 39”, mia propra sinteno ŝanĝiĝis, kaj krome estis insista peto fare de ĉiuj estraranoj, ke mi haltigu la atendadon je pliboniĝo de la etoso, kaj reagu tuj al la absolute neakceptebla nivelo de tiu teksto.
Mi esperas, ke ĉi tiu klarigo iom helpos al vi kompreni la sinsekvon de eventoj, kaj la kialon de nia reago.”
Jean-Marie Gustave Le Clézio, ĵus gajninta la literaturan Nobel-premion, estas interesa kiel homo kaj intelektulo, antaŭ ol verkisto.
HeKo 370 5-C, 9 okt 08
En la Esperanta Civito pri samseksaj paroj okupiĝas la leĝo pri familia juro, definitive aprobita de la Senato la 25an de julio 2008, dum sesio en Bruselo. La revuo “Femina” 13 aperigis objektivan analizon pri la normoj ĉi-koncernaj.
HeKo 370 4-C, 8 okt 08
Civitano Giorgio Silfer, kiel Konsulo laŭ la Konstitucio vi gvidas la kontrolistancon de la Civita banko, nuntempe nomata Fonduso Pro Esperanto (FPEF). Ĉu vi povas ion diri pri la eventuala efiko de la monda financa krizo en Esperantio?
