La Esperanta Civito estas pristudita fare de Viktoria Lambers, studentino ĉe la Libera Universitato de Bruselo, en disertacio liverita al la departemento de sociaj sciencoj la pasintan aŭguston. La temo de la (franclingva) disertacio estas: “La lingvo kiel faktoro de identeco kaj ĝia interagado kun la politiko: la kazo de la esperantista komunumo de La Calamine”.
Post la reago de la Konsulo de la Esperanta Civito pri la kontraŭtibeta politiko de Universala Esperanto-Asocio, reagis ankaŭ la prezidanto de Internacia Komitato por Etnaj Liberecoj. Kaj post la kritiko de la Konsulo pri la lingvopolitiko de UEA, reagis ankoraŭ IKEL, pere de sia estrarano, tra la gazeto “Kataluna Esperantisto”.
Dum la Internacia Semajno de la Esperanto-Biblioteko, ĵaŭdon 16 oktobro 2008 ekde 17h00, en salono de la urba biblioteko de Sofio okazos solenaĵo memore al la kvindeka datreveno de la fondo de Bulgara Esperanto-Teatro.
François Grin, profesoro en la universitato kaj en la altlernejo de tradukado kaj interpretado de Ĝenevo, estas por UEA-anoj kvazaŭ la korifeo de esperanto, pro detalo en lia fama raporto al la franca registaro. Invitite kaj kvazaŭ incensite okaze de la Universala Kongreso en Florenco, li tamen ĉiam atentigas pri sia neesperantisteco, eĉ ne esperantaneco (signifo en PIV 1).
Laŭ la afabla permeso de la aŭtoro kaj de la eldonejo LF-koop, ni diskonigas la ĉefartikolon de la presata numero de “Heroldo de Esperanto” (13:2008).
* * *
Antaŭ du jaroj la rusa ĵurnalistino Anna Politkovskaja estis murdita en Moskvo. La murdo restas ne punita.
Per letero subskribita de sia prezidanto, d-ro Probal Dasgupta, Universala Esperanto-Asocio hodiaŭ ultimatis al Unuiĝo Togolanda por Esperanto, por ke ĝi marĝenigu sian fondinton, estraranon kaj A-komitatanon ĉe UEA, c-anon Koffi Gbeglo, kiu estas ankaŭ akademiano kaj lingva komitatano (la sola en Afriko).
S-ro Kalle Kniivilä, interalie estrarano de ĵurnalista esperantista asocio, denove malrespektas la ĵurnalisman etikon, aperigante mensogojn en sia skandalgazeto.
