aprilo 2014

Esperanta Naturamikaro organizas du prelegojn pri lingvo kaj ekonomiko, ĉi-monatfine en Andaluzio. La unua okazos 28 aprilo 2014 ĉe la Junulara Domo de Malago-Orienta, kunlabore kun Esperanto-Societo “Marbordo de la Suno”. La dua disvolviĝos 30 aprilo 2014 ĉe Círculo Mercantil e Industrial de Sevilo, kunlabore kun Ateneo Popular (popoluniversitato).

Kataluna Esperanto-Asocio (KEA) pretigis demandaron senditan al la diversaj katalunaj politikaj partioj kiuj partoprenos en la venonta voĉdonado por la Parlamento de Eŭropa Unio 25 majo 2014, cele ke ili respondu laŭ siaj programoj. La demandoj senditaj estas la sekvaj:

1. Kiun rangon vi konsideras, ke la kataluna kaj la okcitana lingvoj devas havi en la eŭ­ropaj institucioj?

Precize hodiaŭ, en la Internacia Librotago, c-ano Carlo Minnaja prezentis sian finverkatan tekston “Historio de la Esperanta Literaturo”, okaze de la literatura kafejo organizita de Fajszi Amika Rondo, sub la aŭspicio de Esperanta PEN-Centro, ĉe la Landa Fremdlingva Biblioteko (OIK) en Budapeŝto.

Antaŭeniras la laboro de c-ano Giorgio Silfer, kiu strebas enkonduki artkomedion en la teatron originale esperantan. Tiucele li rilatadas kun teatra trupo en Andaluzio. Tiuj kontaktoj kondukis al profundaj ŝanĝoj en la origina enhavo de lia dramo “La verda Arlekeno”.