Stefano Keller anoncis hieraŭ sian demision kiel estrarano pri eksteraj rilatoj, kio memkompreneble signifas ke li ne rekandidatas por la estraro de Universala Esperanto-Asocio, elektota ĉi-somere en Nitro. Kune kun Barbara Pietrzak li estis la sola “pretervivinto” el la Dasgupta-periodo.
“Bonvolu aliĝi al 135 aŭtoroj kaj 13 organizoj, inkluzive de CODEPINK, petante Usonan PEN-Centron eviti la sponsoradon al/de la israela registaro”. La informon pri ĉi tiu kampanjo relanĉis estraranino de PEN Internacia, Teresa Cadete, konata interalie pro rezista kampanjo kontraŭ la reformo de la portugala ortografio.
La estraro de Naturfreunde International, kies centra oficejo estas en Vieno, petis la konfidon de la landaj federacioj, post la demisio de la internacia kasisto (oficinta nur tri monatojn), kaŭzita de la malkovro de grava fraŭdo en la banka konto de NFI. Pri la fraŭdo estas suspektata eksa dungitino.
Nikolin” kaj Anjo Amika kantos en Bruselo okaze de la inaŭguro de la Okcidenta Legacio de la Esperanta Civito, 7 majo 2016, ekde 10h00, en strato Edinburgo 26 (metroo Namura Pordego).
Ke Lazaro Ludoviko Zamenhof havas malamikojn en sia naskiĝurbo, oni jam sciis pro tristaj epizodoj antaŭ ol kaj dum la Universala Kongreso en Bjalistoko, 2009. Ke bjalistokaj esperantistoj ne ĉiam sukcesas kontroli la situacion, demonstris la fuŝoj en la reklampaneloj de aŭtobusoj.
“Persone mi ŝatus kompreni pli profunde la nunan politikan konjunkturon en Pollando, ankaŭ ĉar ĝi havas rekte negativan efikon al la pola esperantlingva komunumo, kiel en Bjalistoko; kaj ĝi povus influi eĉ al najbaraj landoj” deklaris prof.
Iĝas pli kaj pli nombraj la recenzoj pri “Historio de la esperanta literaturo”, kies duan represon la bindejo liveros venontsemajne al LF-koop.
Organizo de Nereprezentataj Popoloj (UNPO) festas sian arĝentan jubileon dum ĉi tiuj tagoj en Stokholmo per diversaj internaciaj eventoj, el kiuj la unuan partoprenis hieraŭ ankaŭ la Esperanta Civito, per sia legacia asistanto c-ano Bertil Nilsson.
Koincidas kun la hodiaŭa tago de nefermitaj pordoj en la sidejo de UEA la lasta tago de dungiteco de s-ro Osmo Buller, kiu ekde morgaŭ ĝuos sian nederlandan pension.
