“Turismo kaj paco” estas la moto de la Monda Tago de Turismo, celebrita hieraŭ, emfaze pri la paciga potencialo de turismo. Sed ĉu la nune praktikata turismo povas valorigi tiun potencialon? Ĉu ne endas unue transformi turismon, kiel postulas de post multaj jaroj la Naturamikoj kaj aliaj NROj? Kaj ĉu antaŭ ĉio ne endas paci por igi turismon ebla?
Anna Bartek por la konsuleco kaj Lucien Kagina por la vickonsuleco estas la ĉefkandidatoj de la Blanka Listo por la elektoj al la Senato, laŭ la slogano “Civito bezonas kaj popolon kaj Dion”. Ĉi tiu formulo, rememoranta la teismon de Giuseppe Mazzini, inkluzivas ĉiun voĉdononton kun abrahamida kredo, de diversaj kristanaj konfesioj ĝis la islamanoj.
Esperanta Naturamikaro organizos longan kulturan semajnfinon en Malago, 28-31 marto 2025. La Parlamento de la Esperanta Civito estas invitita inaŭguri la novan mandaton ĝuste en la lasta tago, gastante en prestiĝa sidejo.
La Komitato de Kultura Centro Esperantista informas ke KCE havas nenian responson pri Centre de Documentation et Etude sur la Langue Internationale, fako de la urba biblioteko de Ĉaŭdefono.
Interesa historia kaj aktuala prelego trafis kunvenon de la Londona Esperanto-Klubo (LEK) 27 septembro 2024, pri la origino kaj evoluo de PEN Internacia kaj la proksima rilato de ĝiaj pacemaj celoj, ekde la fondo en 1921, ĝis la agnosko pri esperanto kiel literatura lingvo, 10 septembro 1993, kiam la Esperanta PEN fariĝis membro de Internacia PEN.
Hieraŭ disvolviĝis la unua Verda Ĵaŭdo de oktobro 2024 ĉe la naturamika Esperanto-Domo en Malago. Unuafoje ĝi estis partoprenebla ankaŭ per skajpo: tion profitis verkistino, Laure Patas d’Illiers el Parizo, ĉar oni babile raportis pri la lasta mondkongreso de PEN Internacia.
Afrika Esperanto-Instituto anoncas la dekan Afrikan Esperantologian Staĝon, okazontan en Bujumburo ĉe la Tanganika Esperanto-Domo dum du longaj semajnfinoj en decembro 2024: 6a-8a kaj 13a-15a. La celo de la deka AfrES estas formadi organizantojn de kongresoj, konferencoj, simpozioj. Pri la programo kunlaboras la Kongresa Buroo de la Esperanta Civito.
Ĉu eblas ĉerpi inspiron el “Dekamerono” kaj transformi ĝin al ĝisfunda denunco kontraŭ diktaturo, ŝutante al ĝi la oran polvon de poezia lingvaĵo? Tion sukcesis turka verkisto el kurda deveno, nuna prezidanto de PEN Internacia: Burhan Sönmez.
La civitanaro voĉdonos ĝis 15 decembro 2024, fizike aŭ perkoresponde, ĉe la adreso de la koncerna balotejo, anoncota en la speciala numero de “Heroldo de Esperanto”, laŭ la rezida areo. Kiu dezirus voĉdoni en alia balotejo, pro momenta restado en alia lando, tiu devos anonci sin ĉe la Registra Instanco antaŭ 30 novembro 2024.
Emilio Albuzzi (1933[2001]-2023) reprezentis Italan Interlingvistikan Centron en Karolovaro dum SAT-kongreso 1999, kiam la establoj aliĝintaj al la Pakto por la Esperanta Civito aprobis la malneton de la Konstitucio, promulgota en Sabloneto 2 junio 2001, post dujara konsultado.
