La Esperanta Civito relanĉas nian lingvon kadre de la Internacia Civila Servo (ICS), per la starigo de specifa laborgrupo: Civila Esperanta Servo, kunordigata de c-ano Claudiu Raul Doda. Tiucela dekreto pretas por la subskribo de la Konsulo, kiu nur atendas eventualajn rimarkojn de la subjektoj koncernataj de la dekreto mem.
“La originala literaturo en esperanto” estas la temo de la Studa Sabato okazonta ĉe la Norda Legacio de la Esperanta Civito (Solidaritetshuset, Stokholmo), 18 junio 2016, laŭ la horaro 9h30-12h00 kaj 14h00-17h00. La studon gvidos la kunaŭtoro de la furora verko “Historio de la esperanta literaturo”, prof. Giorgio Silfer.
