La Esperanta Civito estas invitita al la dua internacia konferenco de Slava Unio, fine de majo 2018 en Moravio. Ĝin reprezentos la Konsulo, kiu ankaŭ prelegos.
Dum evoluas la procezo de eliro de Britio el Eŭropa Unio, Bruselo (aŭ prefere, la akso Berlino-Parizo) pli kaj pli zorgas pro du internaj frontoj. Unuflanke, la aspiroj de la katalunistoj, kiuj kolizias kun la interesoj de Madrido; aliflanke, la kreskanta antieŭropismo en la orientaj ŝtatoj, precipe Pollando kaj Hungario.
Dum la lasta jaro de sia mandato ekvilibran spezkalkulon atingis la Komitato de Kultura Centro Esperantista (gec-anoj Silfer, Amstad, Bartek, Martinelli, Schenk), posedanto de la sola Esperanto-Domo en Svislando.
Llibert Puig estis la plej konata kaj persista esperantlingva katalunisto, kaj unu el la plej famaj aktivuloj en la kataluna Esperantio. La du dimensioj perfekte kongruis en lia personeco, kaj formiĝis samtempe dum lia adolesko.
Post la hieraŭa legado de la skribaj kontribuoj, la 4a Lingva Kolokvo de Kultura Centro Esperantista en Ĉaŭdefono proponis hodiaŭ la ĉefan prelegon, fare de Gonçalo Neves. La teksto aperos en la revuo “Literatura Foiro”.
D-ino Perla Martinelli estas la oka prezidanto de Kultura Centro Esperantista, post August Braun, Jean-Jacques Lavanchy, Mireille Grosjean, Giorgio Silfer, David Buhlmann, Sonja Brun, Daniel Muhlemann. Ŝi gvidos la kulturcentron dum tri jaroj, inkluzive la jubilean (1968-2018).
Laŭ deziro de la vidvino, Vimala Devi, la cindroj de c-ano Manuel de Seabra ripozas ekde hieraŭ en la Panteono de Esperantio. La urnon liveris la Konsulo de la Esperanta Civito, en tre sobra ceremonio kiun ĉeestis gec-anoj Anna Bartek, Perla Martinelli, Carlos Spinola, kaj kiel invitito s-ro Gonçalo Neves, portugalo kiel la forpasinto.
Laŭ invito de kolego en PEN Internacia, prof. Giorgio Silfer prelegos anglalingve kun postinterpretado, en Bratislavo la 30an de majo 2018, ĉe renkonto kun slovakaj beletristoj. Unuafoje li bazos sin sur la verko “A short cultural history of the esperanto speaking community”, nome la angla varianto de teksto preparita por verkistoj kaj ĝenerale intelektuloj.
La itala prozisto Sen Rodin (pseŭdonimo de Filippo Franceschi) anoncis publike sian kabeiĝon, per ĉi tiu komuniko:
