Sen. Lorena Bellotti reprezentis esperanton en Munkeno, nome de Kultura Centro Esperantista, komisiita de la Esperanta Civito ĉe Asocio de LingvoTestistoj en Eŭropo, kiu tie havis siajn vintrajn laborkunsidojn, 6-7 februaro 2020.
HeKo 727 7-C, 18 feb 20
La Esperanta Civito estis oficiale invitita al gravaj eventoj en Meksikurbo fine de ĉi tiu monato. La ĉefa estas la Internacia Kongreso de la Lingvoj en Risko; tuj ĝin sekvos altnivela kunveno dum kiu oni akceptos dokumenton baze al la Internacia Jardeko de la Indiĝenaj Lingvoj 2022-2032.
La junulara komisiono de Kultura Centro Esperantista ĵus kompletigis kaj liveris la dokumentaron por inviti la Internacian Junularan Kongreson en 2021, ene de la tiel nomata “dua etapo”. Se la invito estus akceptita, unuafoje Tutmonda Esperantista Junulara Organizo kongresus en Svislando.
HeKo 727 9-C, 20 feb 20
Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari donacon aŭ legacon.
La grava virusa epidemio origininta el Popola Ĉinio atingis tri el la lokoj kiuj kandidatas por gastigi la TEJO-kongreson en 2021. Jen la informoj laŭ amasmediaj komunikiloj.
La 9an de februaro 2020 la svisa popolo konfirmis per referendumo novan leĝon, kiu aldonas homofobion al la deliktoj pro diskriminacio (bazitaj sur raso, etno aŭ religio). Ekde nun estas malpermesate moki, diskriminacii, humiligi personon pro ties seksa orientiĝo.
D-ro Blazio Vaha estis la grava gasto de la 58a Literatura Kafejo en Budapeŝto, 20 februaro 2020, prezentante sian dulingvan verkon pri kolektitaj artikoloj, redaktitan de Jozefo Horváth el Györ.
La Esperantista Domo de Kulturo “D-ro Ivan Kirĉev”, aliĝinta al la Pakto por la Esperanta Civito, anoncas la internacian literaturan konkurson “Abritus” por poezio kaj humuro originale en esperanto.
Feminisma Esperanta Movado kaj Esperanta PEN-Centro celebros la Okan de Marto okaze de literatura kafejo, organizita en la naturamika Esperanto-Domo de Andaluzio, en Malago. Tie, 9 marto 2020, s-ino Guadalupe Partido kaj c-ano Giorgio Silfer interpretos la rakonton “Diario de dos días” (Dudiurna taglibro).
