La redakcio de “Literatura Foiro” kunsidis duone reale kaj duone virtuale hieraŭ vespere. Post gratulo al la ĉefredaktorino, kiu festis jubilean datrevenon, ĉiu redakciano raportis pri sia aktiveco, inkluzive de gravaj translokiĝoj rilate la profesion: c-ano Giordano nun vivas en Romo, c-ano Pita pli proksime al la San-Paŭla universitato.
Dum la lastaj monatoj scivolemuloj sin turnis al fondumo Pro Esperanto (FPEF) por peti informojn pri la stato de la domo en strato Nieuwe Binnenweg 176, Roterdamo, vendata de la Universala.
“Mi gratulas al la 86% [de la Akademio de Esperanto] kiuj malkovris ĉi evidentajn banalaĵojn. Ĉiam estas plezuro vidi ke la vosto sekvas la azenon, eĉ se jarojn poste.” Tiel kaŭstike Sten Johansson komentariis la ĵusan deklaron de la Akademio pri litero Ŭ.
Laŭ propono de la Vickonsulo, sen. Lorena Bellotti transprenos venontsemajne du delegojn atribuitajn ĝis nun al sen. Marie-France Conde Rey: LingvoTesta Sistemo de la Esperanta Civito (kun la koncernaj rilatoj al ALTE kaj Konsilio de Eŭropo) kaj trejnado de instruistoj/esperantologoj (kun specifa zorgo pri la kreata Esplora Instituto de Esperantologio).
La Kapitulo samopinias kun la Unua Vickonsulo, ke ne bezonas aktualigon la rezolucio kontraŭ la invado de Ukrajno aprobita de la Senato en marto 2022. Aliflanke necesas alpreni starpunkton pri lastatempaj novaĵoj specife kritikindaj.
Kaj la majoritato kaj la opozicio kontraŭas la fermon de la Senata mandato jaron pli frue ol la ordinara datlimo. Tion komunikis la verda kaj la blanka grupestrinoj dum la lasta kunsido de la Kapitulo. Kaj Fajszi Amika Rondo invitis la Parlamentan sesion al Budapeŝto meze de majo 2024.
Tri kvaronoj de la estraro fuĝas: el naŭ restos nur du. Samtempe, la elektokomisiono prognozas nur kvinopon je la pinto de la Junulara. Ŝajnas ke travivi pli ol jaron sen subvencioj el Eŭropa Unio estis ŝoka sperto. Des pli ke ne estas certeco pri estontaj subvencioj.
Je mil metroj da alteco, la Esperanto-Domo de Kultura Centro Esperantista estas unika rifuĝo por eskapi la varmegon de la Hundotagoj, en la nuna Eŭropo. Inter montaraj paŝtejoj kaj moderna urbo, KCE en Ĉaŭdefono proponas agrablan ripozon en la naturo, kun tre interesa gastronomio.
Kultura Centro Esperantista inaŭguris hodiaŭ matene sian someran kursaron per la unuaj lecionoj de prof. Giorgio Silfer pri diplomatia tradukado.
Kvankam verkita en 2002 en Makedonio kaj publikigita en februaro 2003 (Literatura Foiro n-ro 201), “Dialogo kun la glotologo” neniam atingis rivalton. Finfine ĝi premieros dum la 12a Kultura Esperanto-Festivalo en Ĉaŭdefono, per la reĝisorado (kaj kunrolado) de la aŭtoro, Giorgio Silfer, kaj de Angel Garcia del Rio.
