La retejo de "Literatura Foiro" jam tutjara
HeKo 834 9-B, 28 apr 24
Antaŭ unu jaro estis lanĉita la oficiala retejo de “Literatura Foiro”. Ĝin konstruis kaj mastrumas d-ro Alessio Giordano, vicĉefredaktoro de LF. La retejo ampleksiĝis tra la monatoj, kaj nun enhavas ĉefpaĝon kun informoj kaj eltiraĵoj de la lasta numero de LF, novaĵojn el LF-koop kaj Esperanta PEN-Centro, deŝuteblan redaktan principaron por la kunlaborantoj, kaj katalogon de la varoj produktitaj de la kooperativo. Ne nur tion tamen. La retejo entenas ankaŭ historian paĝon pri la evoluo de “Literatura Foiro” tra la jaroj, riĉigitan per la ĉefaj dokumentoj, protokoloj kaj prelegoj de la diversaj asembleoj kaj ĉefredaktoroj.