Esperanta Naturamikaro informas ke ĝiaj korespondadresoj estas: poŝte — Apartado de Correos 20054, ES-29080 Málaga, Hispanio; rete — <naturamik ĉe esperantio.net>.
Kotizoj kaj donacoj estas pageblaj al la konto 1010ENA ĉe Fondumo Pro Esperanto, Svislando. Informo pri la pagmanieroj estas ricevebla ankaŭ de nia redakcio.
Pri la Internacia Naturamika Semajno (INAS) en Grindelvaldo informas Kultura Centro Esperantista, organizanto: <kce ĉe esperantio.net>. ENa nur aŭspicias la aranĝon, 21-27 aŭgusto 2011, kun bazo en la loka naturamika domo.
Ĉiuj fondintoj de Esperanta Naturamikaro konfirmis, per kotizopago ĝis la limdato fiksita de la Asembleo, sian aliĝon al ENa, escepte de geedzoj Arquillos-Mateos, kies nomoj estas do forstrekitaj en la membrolisto.
Al ĉiuj ENa-membroj, kaj al la INAS-aliĝintoj, estas dissendita la protokolo de la ordinara Asembleo okazinta en Malago, 26 marto 2011.