HeKo 348 9-B, 27 mar 08
La tradicia, printempa Internacia Konferenco de PEN Internacia en Bled (Slovenio) vidas ankaŭ ĉi-jare la ĉeeston de la esperanto-literaturo. Nia delegito estas Vinko Oŝlak, prezidanto de la Esperanta PEN. Filozofo, eseisto, oratoro plurfaceta, c-ano Oŝlak (eksa senatano de la blanka grupo) prezentis propran referaĵon. Krome li reprezentis nian centron en la kunveno de la verkistara pac-komitato.
Vinko Oŝlak, kiu antaŭ du jaroj eliris el la romkatolika eklezio por sekvi vojon kiun li agnoskas aŭtente kristana, estas verkanta libron pri “La naciecoj en la Biblio”. Temas pri eksterordinare interesa studo.
La prelego en Bledo aperos en “Literatura Foiro”, organo de la Esperanta PEN.