HeKo 576 1-C, 3 jun 15
La Ekzekutivo de Unuiĝo de Esperantistoj en la Tuta Afriko (UETA) kunvokas la 6an Afrikan Kongreson de Esperanto al Lomeo (Togolando), 23-29 decembro 2015.Konsciante ke UETA sola ne povas labori por la propagando de esperanto en Afriko, ĝi petas la kunlaboron de la Esperanta Civito kaj restas malferma al ĉiuj ĝiaj proponoj kaj subtenoj diversmanieraj por ke la Kongreso estu sukcesa.Al la supra invito, sendita de la UETA-prezidanto, c-ano Princo Henriko Oguinye el Niĝerio, la Konsulo respondas pozitive, donante la aŭspicion de la Esperanta Civito. Siavice, la Vickonsulo antaŭĝojas plenumi la promeson realigi altnivelan kurson en Lomeo, kunlabore kun la paktinta establo KCE.
Aldonu komenton