HeKo 349 5-B, 3 mar 08
La Estraro de Meksika Esperanto-Federacio ĝojas informi ke la LKK de la kongreso en Aguascalientes akceptis la pli frue rifuzitan proponon enprogramigi ankaŭ prelegon de sen. d-ino Perla Martinelli. La temo de tiu prelego estas “La infana raso” de William Auld, kies deklamado estis muntita per duobla kompakta disko en Meksiko pasintjare. Por la okazo estos prezentitaj ankaŭ fragmentoj el la hispanlingva traduko, komencita de c-ano Fidel Figueroa, grava MEF-ano.
Do, la Kongreso en Aguascalientes estos la 9a Nacia Kongreso de Esperanto. Informoj pri la Kongreso (kvankam en la Hispana) situas en www.webmei.org .
Luís Raudón Uribe, MEF-prezidanto