Komitato Armand estas iniciato al kiu referencas la Esperanta Civito por helpo kaj subteno al esperantistoj en prizono. La Komitato ŝuldas sian nomon al la memoro pri nia poeto Armand Su (dum jardeko en ĉina malliberejo) kaj pri la franca komunisto Armand (kies fratino sekretariis ĉe Lenin), persekutita de Stalin: ambaŭ malliberuloj flue parolis esperanton.
Prioritate Komitato Armand ne okupiĝas pri la malliberuloj kiuj esperantiĝas en prizono, sed pri la esperantistoj kiuj perdis liberecon. Inter la diversaj kazoj, la plej grava estas tiu de Billy Waldon (N. I. Sekvojo), kondamnita je morto, kaj de jardeko atendanta la ekzekuton en kalifornia karcero.
Lige al la kazo Waldon, estas rimarkinde ke Komitato Armand okupiĝas specife pri helpo al la individuoj, kaj ne ankaŭ pri demandoj kia la batalo kontraŭ mortopuno en la mondo. Pri tio la iniciato apartenas al la gvidaj instancoj de la Civito.