Laŭ la art. 27 de la Konstitucio, la informa organo de la Esperanta Civito estas la novaĵagentejo “Heroldo komunikas” (HeKo) kies posedon LF-koop donacis al la Civito je la ekvalido de la Konstitucio (2 junio 2001).
HeKo estas retagentejo je la servo de la establoj en aŭ apud la Pakto por la Esperanta Civito, sub la imprimaturo de la Konsulo aŭ lia delegito. La informoj estas: oficialaj de la Civitaj instancoj, se indikitaj per la litero C; bultenaj de paktintaj establoj, se indikitaj per la litero B; alies neoficialaj, pri kio ajn utila por la evoluo de Esperantio, se indikitaj per la litero A.
En 2024 la redaktoro de HeKo estas la Unua Vickonsulo, c-ano Giorgio Silfer.
Art. 27 de la Konstitucia Ĉarto — Informaj organoj
- La informa organo de la Civito estas la novaĵagentejo Heroldo komunikas (HeKo), kies posedon la Kooperativo de Literatura Foiro donacas al la Civito je la ekvalido de la Konstitucio.
- La normigaj aktoj de la Civito (kodo, direktivoj, reglamentoj, leĝoj, ediktoj kaj dekretoj) estas telematike je dispono de ĉiu voĉrajta civitano.