La Esperanta Civito en 2002 agnoskis du sciencajn institutojn: Instituto Zamenhof kaj Instituto Dietterle. Ili havas membrojn kaj korespondantojn (depende ĉu kun aŭ sen la esperanta civitaneco).
La unua, prezidata de c-ano Francisko Degoul, okupiĝas pri zamenhofologio. Inter ĝiaj membroj estas Zofia Banet-Fornalowa, Jeremi Gishron, Giorgio Silfer. Inter la korespondantoj estas Aleksander Korĵenkov. Instituto Zamenhof organizas ĉiujare, kunlabore kun KCE en Svislando, tre interesajn Zamenhofologiajn Tagojn.
La dua, prezidata de sen. Bertil Nilsson, okupiĝas pri historiografiaj, demoskopiaj kaj statistikaj studoj pri la esperantlingva komunumo. Interesaj studoj kaj eseoj aperas en “Literatura Foiro” kaj “Heroldo de Esperanto”.
Ambaŭ institutoj havas proprajn disktulistojn.