novembro 2006

Je la Zamenhofa Tago estos fermita la listo de kandidatiĝoj por la dua Afrika Esperantologia Semajno, kiu disvolviĝos en la ĉefurbo de Burundio, 27 (aŭ 28) decembro 2007 — 3 (aŭ 4) januaro 2008. La programo estas la sama kiel por la unua AfrES en Lomeo, kaj la kursgvidanto estos prof. Giorgio Silfer. Post la indikita limdato okazos la selektado de la kandidatoj.

La Naturamika Semajno de Kultura Centro Esperantista estas la unusola ĉiujara naturamika kaj ekologia aranĝo en esperanto, kun internacia (eĉ interkontinenta) karaktero. Ĝin gvidas tre kompetente c-ano Francisko Degoul, agnoskita alpa gvidisto.

La Slovena PEN-Centro alvokas al sia Internacia Konferenco, en Bledo, 28 marto — 1 aprilo 2007. La temo de la unua ronda tablo estos: “Minacataj lingvoj – malaperantaj kulturoj”; la dua ronda tablo traktos pri “Legado kiel socia evento”; dum la Pac-Komitato de PEN Internacia diskutos pri “La post-totalisma rezistado”.

La 30a de novembro 2006 estas la unua efektiva censotago en la historio de la Esperanta Civito. En 2001 fakte ekzistis nur provizora registro, bazita sur la tuta membraro respektive abonantaro de la paktintaj establoj; sed neniu ricevis jam la esperantan civitanecon.