marto 2017

PEN Internacia esprimis sian starpunkton pri la ruino de esprimlibero kaj amasmedia komunikado en Turkio, hodiaŭ ĉe la 34a speciala sesio de la Homrajta UN-Konsilio. La deklaro estis subskribita ankaŭ de la Esperanta PEN, kune kun sepdeko da organizoj (la duono estas PEN-centroj).

D-ro Vilmos Benczik gastis ĉi-vespere ĉe la literatura kafejo organizita de Fajszi Amika Rondo ĉe la orienta legacio de la Esperanta Civito en Budapeŝto, sub la aŭspicio de la Esperanta PEN.

La Asembleo de Esperanta Naturamikaro decidis inviti al Malago, por oktobro 2018, la trian Artan Renkonton Transnacian en Esperanto. La decidon inspiris propono de c-ano Pedro Carrillo.

ENa subtenos ankaŭ ornitologian semajnon ĉe la Danuba delto, dum printempo 2018.

La naturamikoj aprobis la jarraportojn kaj diskutis pri la situacio en la tegmenta asocio.

Okaze de la sepdeka datreveno de sia fondo Aŭstria PEN-Centro invitis la gekolegojn tra la tuta mondo sendi filmeton kun deklamata poemo en la respektiva lingvo.

La 2^an de februaro 2017 la registaro en ekzilo de la Kabinda Respubliko estis informita ke kvar kabindaj responsuloj en Kongolando-Brazavilo, departemento de Niari, estis murditaj de angolaj agentoj. La kvar viktimoj estas: Alexandre Taty Canier (sekretario de FLEC), Estanislas Boma, Rotula, Alfredo Mabiala.

Downing Street anoncis hodiaŭ ke en dato 29 marto 2017 Britio aktivigos la proceduron preskribitan de la artikolo 50 de la Traktato de Lisbono. Se ne okazos prokrastoj, Britio secesios de Eŭropa Unio koincide kun la fino de la nuna mandato de la EU-Parlamento (printempo 2019).

Dimanĉon frumatene (je Kristnasko 2016) en Dar-es-Salamo mi enbuŝiĝis kun Emile Malanda kaj atingis la kongresejon en Bunda la postan tagon. Ni maltrafis kelkajn kongresajn programerojn sed ne la plej bonajn, ekz. AMO-seminarion kun UEA-vicprezidanto Stefan MacGill, kaj piedpilkan ludon.