Okaze de sia centjariĝo “Heroldo de Esperanto” planas reveni al sia tradicia kvarpaĝeco, en formato A3. Tiucele la redakcio havos plian konstantan kunlaboranton, nome c-anon Herman Deceuninck.
La “Tago de Ĉiuj Pioniroj”, unu el la oficialaj festotagoj en la Esperanta Civito, ĉi-jare koincidas praktike kun du jubileoj, kiuj koncernas du gravajn pionirojn: la forpaso de Hector Hodler, kunfondinto de Universala Esperanto-Asocio, kaj la fondo de “Heroldo de Esperanto”, fare de Teo Jung.
La nova Konsulo, sen. Riichi Karibe, unuafoje kunvokis la Kapitulon al skajpa kunveno, okazonta merkredon 22 aprilo 2020 ekde 10h00 (mezeŭropa tempo). Al la kunveno estas invititaj ankaŭ lia provizora asistantino, c-ino Manuela Blanco, kaj la dojeno de la Lingva Komitato, c-ino Perla Martinelli.
Kiom influas la nuna pandemio al la ekonomia stato de Esperantio? Multe kaj malbone. La enspezoj en Esperantio plejparte dependas de la kotizoj, ĉu societaj ĉu kunvenaj. La neokazigo de UK kaŭzas perdon al UEA, multe pli ol al SAT la eventuala neokazigo de la kongreso en Bjalistoko.
La Kapitulo de la Esperanta Civito kunvenis hodiaŭ unuafoje, sub la prezido de la nova Konsulo, Riichi Karibe. Sen. Karibe invitis ankaŭ la dojenon de la Lingva Komitato, c-inon Perla Martinelli, eksa vickonsulo (kies delegon pri informado li mem transprenis: de li dependas, interalie, la retagentejo HeKo).
La gazeto “Heroldo de Esperanto” laŭ interkonsento kun “Global Voices” ekde majo 2020 rajtas ĉiumonate republikigi kelkajn artikolojn, pro tio ni esprimas nian aprezon kaj dankon vidalvide de GV.
La 6a Lingva Kolokvo de Kultura Centro Esperantista koncentriĝos en unu tago: la 1a de majo 2020. Tion postulas la epidemia konjunkturo, sed precipe la bezono kupli tra interreto diversajn geaŭskultantojn.
“Kun bedaŭro sed ankaŭ ĝojo ni informas vin, ke la Internacia Junulara Kongreso 2020 ne okazos en Nederlando, sed ĝi okazos tutmonde! La diversaj limigoj pri kunvenoj kaj vojaĝado tute malebligas nun fizike ĉeesti, kaj tial por la unua fojo en nia historio ni organizos nur retan IJK-on.
Posedate, eldonate kaj administrate de Kultura Centro Esperantista, la maja numero de “Heroldo de Esperanto” revenis al la tradicia kvarpaĝeco en formato A3.
“Korea Esperanto-Junularo preferas ne okazigi la IJK-on” ĵus anoncis Ŝin Mondero, la ĉefa respondeculo por la organizado de la TEJO-kongreso de 2021 en la pacifika insuleto Jeju. La rezignon (ĉu definitivan?) kaŭzis la “virtualigo” de la ĉi-jara kongreso en Nederlando.
