januaro 2024

La vickonsulino pri internaj aferoj, sen. Manuela Blanco, gastos venontsemajne ĉe la Roma Esperanto-Grupo “Luigi Minnaja”, okaze de privata vizito en Italio. Ŝi liveros donaceton kaj al la klubo kaj al la prezidanto, inĝ. Giuseppe Pascucci, kaj al la prezidinto, d-ro Giorgio Denti. Temas pri la bildromaneto “Esperantio vivas”, de Tihomir Lovriĉ kaj Nicolas Vanof, didaktike utila por klarigi la strukturon kaj funkciadon de la Esperanta Civito.

Sen. Blanco koncize prezentos la albumon kaj respondos al demandoj, se ili estos. Eble (sed ne certe) ŝin akompanos alia membro de la Kapitulo, c-ano Alessio Giordano, vickonsulo pri informado, kiu oficas portempe en la itala ĉefurbo. Mag. Giordano ĵus finis la kunredaktadon de “Literatura Foiro”, numero 327, februaro 2024.

La Vickonsulo de la Esperanta Civito, Giorgio Silfer, esprimas plenan solidarecon al la familioj de la israelaj ostaĝoj, kaptitaj dum la pogromo de la 7a de oktobro 2023. Li konfirmas la opinion ke tiu masakro, fare de la armita partio Hamas, estis politika donaco al la nuntempa ĉefministro de Israelo, kiu sukcesas ankoraŭ flosi malgraŭ tribunala kondamno ĝuste pro la milita konjunkturo kaŭzita de Hamas.

La liberigo de la ostaĝoj estas prioritata, kaj la militpaŭzo estas necesa kondiĉo por tio, ankaŭ ĉar ĝi ebligus liveri humanitaran helpon al la civiluloj deloĝigitaj en Gazao.

Koncerne la nunan (kaj antaŭan) interŝemidan militon daŭre aktualas la rezolucio pri Palestino unuanime aprobita de la Senato de la Esperanta Civito, 13 aprilo 2009.

Unu el la homoj, kiujn mi aprezas/admiras en mia Esperanto-vivo estas Giorgio SILFER. Li ege kritikas min regule kaj anstataŭ ofendiĝi kontraŭ li, mi trovas en liaj kritikoj multon por plibonigi mian laboron. Silfer neniam mensogas, sed ĉiam prezentas la veran vizaĝon de la aferoj. Li tre bone informiĝas antaŭ ol ion publikigi. Ĝis nun neniu reagis al liaj publikigaĵoj por diri, ke li mensogas. Kion oni riproĉis al li, tio estas lia estremo. Ĉiu afero en sia taŭga loko, ĉu ne?

La kunaŭtoroj de “Historio de la esperanta literaturo”, c-anoj Carlo Minnaja kaj Giorgio Silfer, havis hodiaŭ agrablan renkonton en Padovo, kie ili parolis pri diversaj temoj lige kun la esperanta kulturo, interalie ĝisdatigoj en HEL, bedaŭrinde kaŭzitaj de forpasoj aŭ kadukiĝoj multe pli ofte ol pozitivaj novaĵoj dum la jaroj post 2015.

La fonda asembleo de Civila Esperanta Servo / Service civil esperantien estas kunvokita al Bujumburo, ĉe Tanganika Esperanto-Domo, por sabato 10 februaro 2024 matene. Partoprenos la Vickonsulo de la Esperanta Civito, kiu alportos saluton de la Konsulo.

Ĝis nun CES estas instanco interna al la konsorcio, sed ekde la venonta monato ĝi ekzistos kiel aŭtonoma establo. Tial ĝi povos memstare aliĝi al la Pakto kaj aliaj konsorcioj, kvankam la prioritata celo estas la agnosko fare de Civila Servo Internacia.

En la suda periferio de Rumonge (Burundio), jam survoje al Nyanza-Lac, plu aktivas la infanĝardeno “La Espero”, kun pluraj klasejoj, el kiuj nur tri estas utiligataj, kaj nur unu el ili vere bonstatas.

La foresto de la infanoj pro la hejma lunĉo donas la impreson de forlasiteco. La Vickonsulo, en ne anoncita vizito, lasas la donacojn de Afrika Esperanto-Instituto sur katedro kaj foriras el tiu silenta senhejmeco.

Piedo jam eniris la aŭtomobilon, kiam najbarino klarigas en la runda al Jonas la ŝoforo, ke iu ligita al la lernejo loĝas tute apude. Tra kampara pado kie liberas kokinoj ni atingas la indikitan domon kaj trovas akcepteman sinjorinon, ŝajne infanĝardenistinon.

En la suda periferio de Rumonge (Burundio), jam survoje al Nyanza-Lac, plu aktivas la infanĝardeno ?La Espero?, kun pluraj klasejoj, el kiuj nur tri estas utiligataj, kaj nur unu el ili vere bonstatas.

La foresto de la infanoj pro la tagmeza lunĉo hejme, donas la impreson de forlasiteco. La Vickonsulo, en ne anoncita vizito, lasas la donacojn de Afrika Esperanto-Instituto sur katedro kaj foriras el tiu silenta senhejmeco.

Piedo jam eniris la aŭtomobilon, kiam najbarino klarigas en la runda al Jonas la ŝoforo, ke iu ligita al la lernejo loĝas tute apude. Tra kampara pado kie liberas kokinoj ni atingas la indikitan domon kaj trovas akcepteman sinjorinon, ŝajne infanĝardenistinon.

La ĝenerala Asembleo de Afrika Esperanto-Instituto estas kunvokita al Bujumburo, ĉe hotelo Amitie”, por lundo 12 februaro 2024 tagmeze. Partoprenos reprezentantoj de ambaŭ kolektivaj membroj (KCE kaj SIPU). Unuafoje ĉeestos por SIPU c-ano Janvier Ndericimpaye, profesie bankisto: li definitive anstataŭas c-anon Abdulrahman Bukuru, migrintan al Popola Ĉinio pro postuniversitata stipendio.

Ene de la raportoj la Asembleo pritraktos la staton kaj statuson de Tanganika Esperanto-Domo, la titoligon de la biblioteko al la karmemora c-ino Marie-France Conde Rey, la renovigon de la Plenum-Komitato, kie alternas prezidanto nomumita de SIPU aŭ KCE ĉiun duan jaron, la rilatojn kun Afrika Centro Esperantista en Lomeo.