Ĵus konkludiĝis la kutima vendreda kunsido de la redakcio de Arcadia, reteja platformo originanta el la iama revuo Lingua Verde, organo de Interlingvistika Centro. La redakcianoj, kiuj pasintsemajne kunsidis en telematika ĉeesto de du profesiaj grafikistoj, en kontakto kun Lucia Copparoni, hodiaŭ interparolis pri la venontaj paŝoj por la lanĉo.
HeKo 890 9-C, 13 okt 25
La svisaj kodoj riĉiĝis per la normoj entenataj de la nova leĝo pri elektronika identeco, ĵus ratifita per ĝenerala referendumo kie la jesoj atingis nur 50,4% de la esprimitaj voĉoj: temis pri la dua testo post la unua en 2021, kiam la svisa popolo rifuzis la endondukon de tiu novaĵo per 69%.
La jarkalkuloj de Esperanta Naturamikaro estis konstante deficitaj ĝis 2023, sed ekde 2024 oni rimarkis inversigon de tendenco, precipe danke al NaturAmika KulturSemajno en Katalunio kaj ĉi-jare ankaŭ la sukcesa Andaluza Esperanto-Rendevuo en Malago, kiu inkluzivis la Parlamentan sesion. Tiom ke ekde majo 2025 la kontosaldo estas konstante en pozitivo.
Laŭ invito de la dojeno de la Lingva Komitato mi ĵus faris ekskurseton en la redaktata nova eldono de Plena Ilustrita Vortaro, kaj la unua impreso estas ke ne okazis multe da laboro; kio per si mem estus pozitiva, se la Duka varianto ne estus la reviziita kaj koruptita de la Gastona, konsekvence Duc Goninaz bezonus pli da ellaborado.
HeKo 891 3-C, 17 okt 25
La pariteta ĉambro de la establoj, supera brako de la Civita parlamento, estas alvokita al diskuto pri la grava temo de aliĝebleco de establoj al la Pakto.
Ĝis kioma grado la eldonejo kaj kopirajta posedanto (Sennacieca Asocio Tutmonda) konscias pri la lingvaj tendencoj kiuj karakterizas la teamon zorgantan pri la nova eldono de Plena Ilustrita Vortaro, teamon gvidatan de Bertil Wennergren, aŭtoro de PoMEGo (Plena Manlibro de Esperanta Gramatiko)?
HeKo 891 5-C, 20 okt 25
La Kapitulo de la Esperanta Civito kunsidis hieraŭ hibride en Malago, sub la prezido de la Konsulino, d-ino Lorena Bellotti: en la tagordo reliefis la preparo de la Parlamenta sesio en Bujumburo, la dua ekster Eŭropo post 2017 — por la arĝenta jubileo de la unua sesio (Loklo, februaro 2002) estas invito al Svislando fine de julio 2026, ekzamenota de la Konsulino kun la grupest
La Komitato de Esperanta Naturamikaro kunsidos ĉi-semajne en la naturamika Esperanto-Domo, sub la prezido de sia vicprezidanto c-ano Carlos Spinola, por trakti relative longan tagordon, kiu akumuliĝis pro la somera paŭzo.
Ricevinte komence de la jaro 2025 la tutan kolekton de Literatura Foiro, Ivan García, respondeculo de la retejo Bitarkivo, ĵus komunikis al ties vicĉefradaktoro ke probable jam dum la ĉi-jara novembro ĉiu numero de LF estos elskanita kaj gardata en interreta arkivo.
La Komitato de Esperanta Naturamikaro kunsidis en Malago sub la prezido de c-ano Carlos Spinola, vicprezidanto, kiu laŭstatute anstataŭas la prezidanton ĝis 12 februaro 2026, kiam la Asembleo elektos posteulon de Juan García del Río. Eblos partopreni la Asembleon fizike, per delego aŭ telematike, se frue petite.
