Tri kandidatoj al la plej altnivela diplomo laŭ KEFR (kiun nur Kultura Centro Esperantista proponas pri esperanto) alfrontos lingvotestan sesion en Italio, 24-25 majo 2019. Ekzamenos (reale kaj ne virtuale, ĉar skajpa intervjuo ne havas leĝan valoron) gec-anoj Marie-France Conde Rey, Perla Martinelli kaj Giorgio Silfer.
La sidejo de la lingvotesta sesio estos la privata lernejo LEST en Barbarano di Salò (ĉe la mirinda bordo de la Garda lago). Samloke disvolviĝos interlingvistika seminario, al kiu ankoraŭ eblas aliĝi: https://www.lestgroup.com/1-seminario-di-interlinguistica/
La postaj lingvotestaj sesioj okazos en Ĉaŭdefono meze julio kaj meze de aŭgusto 2019, por ĉiuj ses niveloj. Por informoj: kce [ĉe] esperantio [punkto] net (kce[at]esperantio[dot]net).